Yekemîn koma Gerîlayên HPG`ê gihştin Herêmên Parastinê yên Medyayê

Koma yekemîn a gerîla gihaşt Herêmên Parastinê yên Medyayê

Koma yekemîn a gerîla gihaşt Herêmên Parastinê yên Medyayê.
Koma ji 15 gerîla ya bi gotina gerîla ji “Eyaleta Wanê”, nîvê şevê sînorê Bakûr û Başûrê Kurdistanê derbas kir û seet di 6.30’an de gihaşt Herêmên Parastinê yên Medyayê. Merasîma pêşwazîkirina koma yekemîn a gerîla, ji aliyê hejmareke zêde rojnamevanan ve hat şopandin. Kom, piştî silavdayîna li merasîma pêşwazîkirinê, daxuyaniyek da.

7 ROJAN MEŞIYAN

Li ser navê komê Cegerxwîn Firat daxuyakirin, ku ew li ser banga Rêberê Gelê Kurd Abdullah Ocalan hatine û got, “Em dixwazin feydê li pêvajoyê bikin.” Firat diyar kir, ku ew bi 14 hevalên xwe re 7 rojan meşiyane û gihaştine Başûrê Kurdistanê û got, “Di rê de firînên keşfê û tevgera leşkerî zêde bû. Me vê salê xwe ji bo şer amade kirin, em ne li bendê bûn pêvajoyeke bi vî rengî destpê bike. Lê perspektîfa Rêberê me, ji bo me ferman e.”
Ji endamên komê Savuşka Sêrt jî got, “Ne Rêberê me bûya, ti kesî nikarîbû me vekişanda. Rêberê me vîna me ye.”

ŞEVEK BI GERÎLA RE

Rojnamevanên ji bo hatina koma yekemîn a gerîla bişopîne hatin Herêmên Parastinê yên Medyayê, şevek bi gerîla re derbas kirin. Hatina komê, ji aliyê  ANF, DİHA, Nuçe TV, Sterk TV, Newroz TV, Sabah, Bianet, Agos, Dijle TV, İHA, AA, DHA, Hürriyet, Kanal D, Cihan, Reuters, T24, El Cizire Arabi, Kurdsat, Gali Kurdistan, Kurdistan TV, El Cizire Îngilîzî, Birgün, France Express, Radikal, Cumhuriyet û rojnamevan Hasan Cemal ve hat şopandin.

HASAN CEMAL: EV DEMA DÎROKÎ GELEKÎ BI HEYECAN E

Rojnamevan Hasan Cemal bi koma yekemîn re demeke kin meşiya û got, “Ji bo min, şahidiya ji vê pêvajoyê, rewşeke gelekî bi heyecan e. Min vekişîna komeke çekdarî dît û ev yek gelekî xweş bû. Ev gav ji bo aştiyê gelekî bi feyde ye. Li gorî min fêm kir, wê ev pêvajo dewam bike. PKK vê rewşê gelekî ciddî digire. Gerîlayên hatin jî dibêjin, ew bi Rêberê xwe ve gelekî bi bawer in.”

PUKmedia..ANF