Rewangeha Sûrî: HSDê 5 çekdar li Celebiyê dîl girtin

Medya

Bajarê Kobanê

Hêzên Sûriya Demokratîk (HSD) êrîşeke grûpên çekdar yên alîgirê hikûmeta Sûriyê li derdora bajarokê Celebiyê ya bajarê Kobanê têk bir, piştî şer û pevçûnên dijwar di navbera her du aliyan de.

Rewangeha Sûrî bo Mafên Mirovan aşkere kiriye ku, piştî ku grûpên çekdar hewl dan ber bi çeperên HSDê yên li dora bajêr ve pêşve biçin, pevçûn rû dan ku hejmarek çekdar hatin kuştin û birîndar bûn û ,HSDê bi serkeftî êrîş têk bir, pênc çekdaraên wan jî dîl girtin.

Çavkaniyan piştrast kirin ku di pevçûnan de çekên navîn û giran hatine bikar anîn, di nav koçberiya sivîlan ji gundewarê (Kobanê) ber bi bajêr ve,li herêmê rewşa hişyariya bilind hate ragihandin, lê hîna jî derbarê qurbaniyên sivîl de çi agahî ne hatiye wergirtin.

Ev êrîş di demekê de tê ku li gundewarê Kobanê aloziya leşkerî berdewam dike.

Rewangeha Sûrî bo Mafên Mirovan hişyariyê dide li ser bandorên şerê berdewam li ser rewşa mirovî û ewlehiyê ya li herêmê.

Rewangeha Sûrî bo Mafên Mirovan ragihand ku li derdora bajarokê Celebiyê, ku di navbera gundewarê Girê Spî û gundewarê Kobanê de ye, di navbera Hêzên Sûriye Demokratîk (HSD) û grûpên dilsoz ên Hikûmeta Demkî ya Sûriyê de pevçûnên dijwar rû dan.

Sûriyê piştrast kir ku êrîş ne tenê bi Celebiyê ve sînordar bû, lê di heman demê de çend gundên din yên Kurdan jî armanc girtin, di nav wan de Xanmamed, Kirbinab, Mirasir û Xerab Raz, û di nav niştecihan de tirsek belav çêkir û hin ji wan neçar kirin ku ji malên xwe birevin.

PUKMEDIA