Qubad Talebanî: Divê civaka navneteweyî mafên Kurd li Sûriyê gerentî bike

Ragihandina Qubad Talebanî

Qubad Talebanî bi Konsulê Giştî yê Brîtanya re civiya

Cîgirê serokwezîr pêşwazî li Andrew Beasley, konsolê giştî yê Brîtanya li herêma Kurdistana Îraqê kir û wan li ser çend mijarên girîng yên berjewendiya hevbeş axivîn.

Di civînê de, ku roja Yekşemê 18ê Çileya 2026an hat lidarxistin, li ser pêkanîna Hikûmeta Herêma Kurdistanê ya nû û hikûmeta federal a nû nêrîn hatin guhertin.

Di vê çarçoveyê de, Qubad Talebanî tekez kir ku divê pêşîniya her du hikûmetên pêşerojê çareserkirina pirsgirêkên di navbera xwe de û hevkariya ji bo pêşkeftina aborî ya Îraq û Kurdistanê be.

Di beşek din ya civînê de behsa rewşa Sûriyê hat gotûbêjkirin,di vî warî de, Qubad Talebanî nîgeraniya xwe ya li ser zêdebûna şer û aloziyên di navbera Hêzên Sûriye Demokratîk û hikûmeta Sûriyê de anî nîşan da û got: Divê civaka navneteweyî ji bo aramkirina rewşê hewldanên cidî bike û pêngavên cidî bavêje daku mafên Kurd di nav Sûriyeyeke serbixwe û demokratîk de misoger bike.
.
PUKMEDIA