Macron: Aramiya Sûriyê girêdayî tevlîkirina HSD di nav hikûmetê de ye

AJANS

Serokê Fransa Emmanuel Macron

Serokê Fransa  Emmanuel Macron daxwaza rawestandina êrîşan li Sûriyê kir, û got:Li dewsa kirdeyên leşkerî, divê diyalog û danûstandin bên kirin û tekez kir ku Fransa dê hewlên xwe yên siyasî ji bo piştgiriya yekîtî û aramiya Sûriyê bidomîne.

Macron:Aramiya Sûriyê girêdayî tevlîkirina HSDê di dewleta Sûriyê de ye

Serokê Fransa Emmanuel Macron tekez kir ku yekîtî û aramiya Sûriyê tenê bi tevlîkirina Hêzên Sûriyeya Demokratîk di dewleta Sûriyê de dikare pêk were, ne bi şerê li dijî hêzên ku li kêleka civaka navneteweyî li dijî çeteyên DAIŞ'ê şer kirine.

Macron di daxuyaniyekê de ku li ser hesabê wî yê fermî yê platforma "X" hate weşandin, got ku êrîşa hikûmetê divê yekser raweste, û tekez kir ku Fransa û Ewropa nikarin piştgiriyê bidin berdewamiya vê rêbazên leşkerî.

Macron: Fermana Şereh derbrê mafên Kurd pêngavek di riya rast de ye

Her weha got: gihîştina rêkeftineke berfireh li Sûriyê hîna jî gengaz e, ji ber ku fermana serokatiyê ya li ser mafên Kurdan, ku duh hate pejirandin, pêngaveke di rêça rast de li ser riya çareseriyeke siyasî pêk tîne.

Ev daxuyanî di demekê de tê ku gundewarê rojhilatê Helebê û navçeya Tebqa rastî êrîşên berfireh yên çekdarên Hikûmeta Demkî ya Sûriyê li ser çeperên Hêzên Sûriyeya Demokratîk tên, ev yek alozî zêde dike û şansê gihîştina çareseriyeke siyasî ya berfireh li welêt dixe metirsiyê.

PUKMEDIA