Serokê berê yê Koriyaya Başûr bi pênc sal cezayê girtîgehê hat cezakirin

Ajans

Serokê Koriyeya Başûr Yon Suk-yeol

Îro 16/1/2026, Serokê Koriyeya Başûr Yon Suk-yeol bi tohmeta sepandina qanûna leşkerî bi pênc sal cezayê girtîgehê hat cezakirin.

Dadgeha Navçeya Navendî ya Seoulê li ser tohmetên li dijî Serokê berê yê Koriya Başûr ku girêday bû bi rewşa sala 2024 li welêt, biryara dawî da, serokê wê demê biryar da ku li seranserê welêt qanûna leşkerî ferz bike.

Serokê berê piştî krîza siyasî ya ku di 3ê Çileya 2024an de welêt dorpêç kir, ku bû sedema sepandina qanûna leşkerî ji aliyê serok ve û rawestandina saziyên sivîl, ev çend mehin di girtîgehê de ye. Ev yek bû sedema xwepêşandanên girseyî û dû re parlamentoyê gavên lezgîn avêt da ku biryarê hilweşîne.

Ev ne cara yekem e ku Koriya Başûr serokê xwe ceza dike. Di sala 1996an de serokên berê Chun Do-hwan û Roh Tae-woo bi tohmeta gendeliyê di têkiliya bi kudetaya leşkerî ya 1979an û bûyerên piştre de hatin cezakirin.
Chun Do-hwan di destpêkê de bi cezayê darvekirinê hat cezakirin, paşê ew veguherî girtina heta hetayê, di demekê de ku Roh Tae bi 22 sal cezayê girtîgehê hat cezakirin, paşê ew daket 17 sal û nîvan, di sala 1997an de Serokkomarê wê demê Kim Yong Sam efûyek da.

PUKMEDIA