NY:Divê sivîl li Helebê bên parastin

Ajans

Koçberên Şêx Meqsûd li Helebê

Stephane Dujarric Berdevkê Neteweyên Yekbûyî tekezî li ser pêwîstiya misogerkirina ewlehî û parastina sivîlan li bajarê Heleb ya Sûriyê di dema operasyonên leşkerî yên berdewam de kir, û daxwaza tedbîrên yekser kir ji bo pêşîgirtina li ziyan û misogerkirina derbasbûna ewle ji bo kesên koçber û parastina prensîbên mirovî kir.

Navenda Ragihandina Neteweyên Yekbûyî li ser zarê Dujarric veguhest ku piştrast kir ku rêxistin rewşê ji nêz ve dişopîne û bi hemî aliyên peywendîdar re di peywendiyan de ye û got: NY ji qurbanî û birîndaran haydar e û hewcedariya parastina sivîlan, û her weha binesaziya ku ew bikar tînin, dubare dike.

Dujarric aşkere kir ku hevkarên NY ji dema ji nû ve destpêkirina şer li Helebê ve koçberbûna nêzîkî 119 hezar kesan ragihandine.

Dujarric piştrast kir ku UNHCR û hevkarên din yên li ser erdê ji malbatên koçber yên li wargehên demkî û civakên mêvandar re alîkariyê peyda dikin.

Ji aliyê xwe ve, Hêzên Sûriya Demokratîk (HSD) tekez kir ku îdiayên dubare yên Hikûmeta Demkî ya Sûriyê di derbarê rewşa li ser erdê li derdora Meskene û Dêr Hafir de hewldanek e ji bo afirandina aloziyê û çêkirina behaneyan ji bo zêdekirina rewşê.

Navenda Medyayê ya HSDê di daxuyaniyekê de ragihand:Hêzên me daxuyaniyên şaş yên ku yên Wezareta Parastinê ya hikûmeta Şamê ve derbarê rewşa li derdora Meskene û Dêr Hafir de hatine dayîn dişopînin û got: Em tekez dikin ku li herêmên jorîn çi tevgerên leşkerî an jî kombûna leşkeran ji aliyê hêzên me ve tune ne, û hemû îdiayên belavbûyî bê bingeh in.


Di daxuyaniyê de hatiye: Em li dijî berdewamiya vê nêzîkatiya têkder rin û em hişyariyê didin, ku em pabendbûna xwe ya bi kêmkirina aloziyan piştrast dikin, di heman demê de mafê xwe yê rewa yê girtina her tedbîrek pêwîst ji bo parastina herêmê û parastina sivîlan diparêzin.

PUKMEDIA