HSDê Firokxaneya Leşkerî ya Kuwêrsê toparan kir

ewangeha Sûrî bo Mafên Mirovan

Topbarankirina Firokxaneya Leşkerî ya Kuwêrsê

Li bajarê Dêr Haferê, li rojhilatê Helebê, xaniyek ji aliyê Grûpa El-Emşat ve, ku yek ji hêzên leşkerî yên di nav Hikûmeta Demkî ya Sûriyê de ye, hat topbarankirin, di encamê de keçek 10 salî hat kuştin û zarokek din jî birîndar bû.

Di vê çarçoveyê de, li gorî çavkaniyên ji Rewangeha Sûrî bo Mafên Mirovan, frokxaneya leşkerî ya Kuwêrs û çend binkeyên din yên leşkerî li gundewarê rojhilatê Helebê ji aliyê Hêzên Sûriya Demokratîk ve bi karanîna roketavêjan rastî topbaraneke dijwar hat ku ev bû sedema teqînên tund û grûpên çekdar ketina rewşa amadebaşiyê, her weha digel topbaranê bi hatina hêzên leşkerî yên nû ji Wezareta Parastinê gihîştin eniyên şer.

Rewangehê destnîşan kir ku bombebaranê di nava bingeha hewayî de ziyanên madî çêkirine, lê heta niha çi agahiyên piştrastkirî derbarê kuştî an birîndaran di nav hêzên di nava firokxaneyê de ne hatine wergirtin.

Ev armancgirtin di çarçoveya gurrbûna şer û pevçûnên leşkerî li herêmê de tê, di nav tirsa berfirehbûna şer û pevçûnan û bandorên wan li ser gund û bajarokên derdorê de, di demekê de ku gundewarê rojhilatê Helebê rastî rewşek aloziya ewlehiyê ya berdewam tê.

PUKMEDIA