Civata Taxên Şêx Meqsûd û Eşrefiyê: Em paşve naçin û dê bi serkevin

Ajans

Civata Giştî ya Taxên Şêx Meqsûd û Eşrefiyê

Civata Giştî ya Taxên Şêx Meqsûd û Eşrefiyê piştrast kir ku ewê paşve neçe û vîna gel û Hêzên Asayîşa Navxweyî dê bi ser bikeve.

Her weha bang li raya giştî û gelê Kurdistanê kir û got: Êrîşek heye ku taxên me bi karanîna cûreyên cûda yên çekên giran armanc digire, û armanca vê êrîşê valakirina wan taxan ji niştecihên wan e.

Civata Giştî ya taxên Şêx Meqsûd û Eşrefiyê daxuyaniyek ji bo raya giştî belav kir, ku ji hêla hevserok Nûrî Şêxo ve hat xwendin, û wiha piştrast kir û got: Emê çi pêngavekê jî paşve ne avêjin, û vîna gel û hêzên me dê bi ser bikeve.

Civatê wiha tekez kir: Tiştê ku rû didin şerekî taybet li dijî gelê me ye ku armanc dike vîna me bişkîne, û pêwîste gelê me baweriya xwe pê neyne.
Her weha nbang li gelê xwe yê welatparêz dikin ku li malên xwe bimînin û nekevin nav şerê taybet ê ku ji hêla medyaya dijmin ve tê pêşve xistin.

Di daxuyaniyê de hatiye: Hêzên Asayîşa Navxwe dê li hemû eniyan parastina gel bikin û li hember hemû êrîşan bisekinin û bang li gel hat kirin ku li kêleka Hêzên Asayîşa Navxwe bisekinin û bang li raya giştî ya cîhanî û raya giştî ya li çar parçeyên Kurdistanê dikin ku êrîşek bi çekên giran û topan li ser taxên me tê kirin û armanca êrîşê valakirina wan taxan in.

PUKMEDIA