Şanda HSDê ji bo danûstandinên yekbûna leşkerî li Şamê ye

Ajans

Mezlûm Ebdî

Fermandarên Hêzên Sûriye Semokratîk (HSD) pirsa tevlîbûna leşkerî digel hikumeta veguhêz ya Sûriyê li bajarê Dîmeşq paytexta Sûriyê gotûbêj dikin.

Navenda Ragihandin Hêzên Sûriye Semokratîk (HSD) ragihand ku şandek e wan bi serokatiya Mezlûm Ebdî îro çû bajarê Dîmeşqê daku dan û standinan derbarê pirsa tevlîbûna leşkerî  ya HSDê digel rayedarên hikumeta veguhêz berdewam bikin.

Hate diyarkirin ku ji fermandarên operasyona ’’Biryardariya xurt’’ Kevin J. Lambert jî beşdarî civînê bûye.

Şandeya Hêzên Sûriye Semokratîk (HSD)  ji Fermandarê Giştî yê Hêzên Sûriye Semokratîk (HSD) Mezlûm Ebdî, endamên Fermandariya Giştî ya Hêzên Sûriye Semokratîk (HSD) Sozdar Hacî û Sîpan Hemo pêk tê.

Ev yek di demekê de ye ku, Hêzên Sûriye Semokratîk (HSD) roja 29’ê Kanûna 2025’an de ragihandibû ku serdana şandeyê ya li Dîmeşqê ji ber pirsgirêkên teknîkî hatiye paşdaxistin û diyar kiribû ku dê di demeke pêş de biçe.

PUKMEDIA