Trump: Me di operasyonekê de Serokê Venezuela û jina wî girtin

SKY NEWS

Donald Trump û Maduro

Serokê Amerîka Donald Trump ragihand ku Serokê Venezuelayê Nicolas Maduro û jina wî hatine girtin û ew bo derveyî Venezuelayê hatine veguhastin.

Serokê Amerîka Donald Trump ragihand ku wî êrîşeke mezin û serkeftî li dijî Venezuela daye destpêkirin û eşkere kir ku Serok Nicolas Maduro û jina wî hatine girtin û bi balafirê şandine derveyî welêt.

Amaje bi wê yekê jî kir ku operasyon bi alîkariya dezgehên sepandina yasayê yên Amerîkî hatiye kirin, hûrgiliyên zêdetir dê paşê werin eşkerekirin, her weha got: Emê di civîneke rojnamevaniyê de demjimêr 11ê danê sibehê bi dema Amerîka zêdetir zanyariyan belav bikin.

Ev yek di demekê de ye ku Medyaya Amerîkî ragihand ku Trump fermana êrîşên asmanî li ser çend pêgehên li Venezuelayê daye, ku herî kêm heşt pêgeh û balafirên şer yên li ser paytextê nizm difirin, kirine armanc.

PUKMEDIA