Teqînên tund li paytext Caracas û deverên din yên Venezuela

AP

Teqînên li Venezuela

Raportên medyayê û dîmenên vîdyoyê nîşan didin ku teqînên bihêz li bajarê Caracas paytexta Venezuela roja Şemiyê serê sibê rû dan.

 Ajansa France Press (AFP) ragihand ku li Caracas teqînên bi deng hatine bihîstin, û hin hesabên li ser platforma X dîmenên vîdyoyê yên ku teqînên li paytexta Venezuela nîşan didin, weşandin.

Li gorî nûçeyek Ajansa France Press (AFP), teqînên bi deng û dengên dişibin gurîna balafiran li Caracas ji dora saet 2:00ê sibehê bi dema herêmî (6:00ê sibehê GMT) ve hatin bihîstin.

Ev deng, ku sedema wan hîna jî nayê zanîn, di nav aloziyên zêde yên li Karayîban û gefên Serokê Amerîka Donald Trump yên li ser Venezuela de tên, ji demijmêr 6:15ê sibehê GMT ve, dengên teqînan hîn jî dihatin bihîstin.

Her weha Ajansa Nûçeyan ya Reuters jî ragihand ku li gorî şahidên bûyerê, di demjimêrên serê sibê yên roja Şemiyê de li Caracas teqînên bi deng hatine bihîstin.

Ajansê destnîşan kir ku li başûrê bajêr, li nêzî baregeheke leşkerî ya mezin, qutbûna karebayê çêbûye.

Medyaya Venezuelayê ragihand ku herî kêm şeş teqîn li Caracas çêbûne.

Ajansa Çapemeniyê ya Almanî (DPA) ragihand ku li Caracas û balafirên ku nizm difirin li ser paytext Venezuela heft teqîn bihîstine.

Reuters piştrast kir ku piştî teqînan li herêmeke nêzîkî baregeheke leşkerî li başûrê paytexta Venezuela, Caracas, qutbûna karebayê çêbûye. 

akinciyên taxên cuda derketin kolanan û kombûna mirovan ji gelek deverên Caracas hate dîtin û Hikûmeta Venezuela yekser li ser vê mijarê çi daxuyanî neda û sedema teqînan hîna jî nayê zanîn.

Di Kanûna Pêşîn ya borî de, Trump "Dorpêçek tevahî û bê kêmahî" li ser "tankerên petrolê yên destûrdayî" yên ku ber bi Venezuela ve diçin û tên ragihand û Parastina peravê û Wezareta Parastinê her wiha du tanker desteser kirin, ku her yek ji wan zêdetirî milyonek bermîl petrol hildigirt.

Kok û pîvanên nakokiyan:

di navbera Amerîka û Venezuelayê de dikarin wiha werin kurtkirin:

1- Petrol û Çavkanî: Venezuela xwediyê rezervên petrolê yên herî mezin ên cîhanê ye, ku ew dike armanca hêzên mezin.

2- Nakokiya Jeopolîtîk: Washington Venezuelayê wekî bingehek bandorê ji bo Rûsya û Çînê dibîne, ku ew wan wekî gef li ser ewlehiya xwe ya herêmî dibîne.
 Ji hêla din ve jî , Venezuela bawer dike ku Amerîka li Baxçeya xwe ya paşîn" li dorpêçê digere, (Amerîkaya Latîn).

3- Îdeolojî: Venezuela polîtîkayên çepgir dişopîne ku dijminatiya serdestiya Amerîka dikin, ku tengezariyan zêde dike.

4- Bazirganiya narkotîkê û gendelî: Amerîka hikûmeta Maduro bi beşdarbûna di bazirganiya narkotîkê de bi riya kartelên mîna Tren de Aragua tawanbar dike û ji bo şerkirina wê sizayan disepîne û operasyonên leşkerî yên sînorkirî dide destpêkirin, ku Caracas vê yekê red dike û wekî hincetek ji bo destwerdanê dibîne.

PUKMEDIA