NY hişyarî da Îsraîlê derbarê egera derxistina Yasaya Bi darvekirinê

UN

Xalek kontrolê ya NY li ser riya ku deriyê Ramalah

Neteweyên Yekbûyî tekez kir ku hewldana rejîma Siyonîst ji bo bi yasakirina sizayê bi darvekirinê ji bo Filistîniyan cudakarîyeke eşkere û binpêkirina yasayên navneteweyî ye, û daxwaz kir ku ev pêngav paşve bikşîne.

Komîserê Bilind yê Mafên Mirovan ê Neteweyên Yekbûyî Volker Turk derbarê projeyasaya yasayî ya ku li Knessetê, ango parlemena rêjîma Siyonîst, hatiye pêşniyarkirin û sizayê bi darvekirinê ji bo Filistîniyan pêşbînî dike, hişyariyek tund da û diyar kir ku ev destpêşxerî bi awayekî eşkere li dijî yasayên navneteweyî ye.

Komîserê Bilind yê Neteweyên Yekbûyî bang li rejîma Siyonîst kir ku yekser dev ji vê yasayê berde, ku tenê Filistîniyan dike armanc û armanca wê danîna sizayên bi darvekirinê yên mecbûrî ye, her weha got:Yasayek wisa pîvanên mafên mirovan binpê dike, cudakariyê saz dike û prensîba dadweriyê bi giranî têk dide.

destnîşan kir ku divê yasa li ser bingeha wekhevî û qedexekirina cudakariyê werin amadekirin, ne li gorî nasnameya etnîkî yan neteweyî.

Li gorî NY, derxistina vê rêziknameyê dê aloziyên li axên Filistînî yên dagirkirî hîn bêtir zêde bike û trajediya mirovî ya ku sivîl pê re rû bi rû dimînin kûrtir bike, ji ber vê yekê, banga vekişandina vê prpjeyasayê hate dubarekirin.

Wekî ku hûn dikarin bi bîr bînin, Knessetê di Mijdara 2025an de di xwendina xwe ya yekem de proje yasayek ku sizayê bidarvekirinê ji bo girtiyên Filistînî dide sepandin pejirand, tê çavrê kirin ku piştî xwendinên duyemîn û sêyemîn ev proje yasayek bikeve dengdana dawî.

Li gorî naveroka proje yasayê, armanca vê yekê ew e ku sizayê bi darvekirinê li ser tawanbarên Filistîniyên bisepîn.

PUKMEDIA