Ji ber lehiyên Efxenistanê zêdetir 20 kesan bûne qurbanî

ILKHA

Dîmenek ji lehiyên li Efxanstanê

Di bûyerên piştî baran barîna zêde ya çend rojan li Efxenistanê de, 12 kesan cane xwe ji dest dan û 11 kes jî birîndar bûn.

Berdevkê Ajansa Rêvebiriya Karesatên Neteweyî ragihand ku di encama lehiyên ji ber baran û berf barîna zêde ya ku di sê rojên borî de li çend parêzgehên Efxenistanê bandor kiriye de, herî kêm 12 kesan canê xwe ji dest dan û 11 kesên din jî birîndar bûn.

Berdevkê rêxistinê, Hafiz Mihemed Yusuf Hemed, aşkere kir ku bûyerê bandor li parêzgehên Kapisa, Parwan, Daykundi, Uruzgan, Kandaxar, Helmand, Badghis, Faryab, Badaxşan, Herat û Farah kiriye.

Hemed her wiha got: Baranan ziyaneke mezin ya madî dirust kiriye, hezar û 859 xanî bi temamî wêran bûne yan jî beşek ji wan zirar dîtine, û 209 km riyên gundan di bin avê de mane û nêzîkî hezar û 200 serî pez ji nav çûne, û 13 hezar û 941 donim zevî yên çandiniyê di bin avê de ma an jî wêran bû.

Hemed ragihand jî tîmên rizgarkirin û alîkariyê ji bo alîkariya qurbaniyan şandine deverên bandordar û belavkirina alîkariya bilez berdewam dike di heman demê de xebatên nirxandina zirarê jî berdewam dikin.

PUKMEDIA