Heyva borî li Sûriyê 181 kes hatibûn kuştin ku 17 ji wan jin in

IRNA Erebî

Dîmenê kuştinan li Sûriyê

Di heyva dawîn ya sala 2025`an de 181 kes li deverên cûr bi cûr yên di bin kontrola hikumeta veguhêz a Sûriyê de hatibûn kuştin.

Di heyva Kanûna sala 2025`an de li deverên di bin kontrola hikumeta veguhêz a Sûriyê de 181 kes ku di nav de 17 jin û 16 zarok hene, di bûyerên cuda de hatibûn kuştin.

Di meha Kanûnê ya sala borî de rêjeya tundiyê zêde bû ku li gelek deverên di bin kontrola hikumeta veguhêz de, êrişên hêzên hikumeta veguhêz, kuştin, dijminatiyên malbatî û eşîrî, pevçûnên çekdarî, operasyonên ewlehiyê û teqînên bermahiyên şer, çêbûne û di encamê de gelek kes hatin kuştin.

Bûyerên kuştinê li seranserî bajarên Heleb, Şam û gundewarên wê, Lazqiyê, Tertûs, Hema, Hums, Dêrazorê, Deraa, Siwêda û Idlibê hatine encamdan,ev yek nîşan dide ku li deverên di bin kontrola hêzên hikumeta veguhêz û yên di bin dagirkeriya dewleta Turk de, tundî zêdetir bûye.

Di nava qurbaniyan de jin û zarokên ji hemû pêkhateyan hene, her wiha goreke komî ku tê de cenazeyên 6 mêr, zarokekî û jinekê hebûn, li gundê Turkan yê nêzî bajarê El Sifîrê yê Helebê hat dîtin.

Ev yek di demekê de ye ku di heyva Mijdara borî 170 kes ku 13 jê jin û 21 jî zarok bûn, li deverên di bin kontrola hikumeta veguhêz û dagirkeriya dewleta Turk de hatibûn kuştin.

PUKMEDIA