UNICEF: Sala 2025an sala herî xirp bû ji bo bi mîlyonan zarokan

DW

Dîmenek zarokên ji ber şer rû bi rûyê birçîbûnê bûne

Rêxistina UNICEF hişyarî da ku birçîbûn, şer û nexweşî di sala 2025an de bandorê li jiyana bi mîlyonan zarokan kiriye,ku li Darfûr û Xeze birçîbûn çêbibe û binpêkirinên mafên microvan derbarêcwan de hatiye kirin.

Rapora salane ya UNICEFê ya ji bo sala 2025an piştrast kir ku zarokên li herêmên şer yên wekî Ukranya, Sûdan û Kerta Xezeyê rojane bi metirisyan jiyana wan diêşîne re rû bi rû ne, digel bûyerên birçîbûnê li Darfûr û hindek deverên Xezeyê di havîna îsal de wekî encamek "êrîş û dorpêçkirina ku rê li ber gihîştina alîkariya mirovî girt.

Di raportê de hat destnîşankirin ku li Xezeyê nêzîkî 100 hezar zarok ji rû bi rûyê kêmbûna xurekê bûne,her weha hejmara zarokên ku li deverên qeyran û şer û pevçûnan dijîn jî gihîştiye astên rekordê, ji her pênc zarokan yek li cîhanê di van mercan de ne, ku ev hejmar hema hema du qat ji hejmara ku di nîvê salên 1990an de hatiye tomarkirin zêdetir e.

Neteweyên Yekbûyî di sala 2024an de zêdetirî 41 hezar binpêkirinên giran li dijî zarok û xebatkarên mirovî tomar kir, ku li gorî sala borî %25 zêdetir e.

Rêxistina UNICEF daxwaza radestkirina bilez ya pêdiviyên rizgarkirinê, av û lênêrînê, û zêdekirina dabînkirina sotemeniyê dike, daku parastina zarokan were misogerkirin û pêşî li xirabtirbûna qeyrana mirovî li Kerta Xezeyê bê girtin.

PUKMEDIA