Xwepêşanderên Elewî daxwaza Mafê Çrenivîs û Federalîzmê dikin

Rewangeha Sûrî bo Mafên Miroavan

Dîmenek ji xwepêşandanan

Rewangeha Sûrî bo Mafên Mirovan ragihand ku di xwepêşandanên çend bajarên Sûriyê de hejmarek xwepêşander hatin kuştin û birîndar bûne.

Hêzên Hikûmeta Sûriyê tundûtîjî li dijî xwepêşanderan bi kar anîn

Di pêşketineke girîng de li ser erdê, Rewangeha Sûrî bo Mafên Mirovan zanyariyê mirina du şehîdan di dema xwepêşandanên aştiyane yên li bajarê Lazkiqeyê wergirt û li piraniya bajar û taxên ku xwepêşandan lê hatine lidarxistin, şer û pevçûn û êrîş li dijî xwepêşanderan çêbûn ku îro roja Yekşemê, bi hezaran Elewî li dijî binpêkirin û tawanên li dijî wan hatine kirin xwepêşandan kirin, di heman demê de, desthilata veguhêz bi hezaran hêzên xwe, digel tankan, li gelek deveran li kolanan belav kirin daku van xwepêşandanan tepeser bikin.

Di xwepêşandanan gelek kes hatin kuştin û birîndar bûn

Rewangeha Sûrî bo Mafên Miroavan ragihand ku du xwepêşander li bajarê Lazqiyê piştî ku ji aliyê hêzên ewlehiyê û alîgirên hikûmeta veguhêz ve hatin gulebarankirin, bi giranî birîndar bûn, her weha li kolana sereke ya Tartûsê xwepêşander rastî gulebaran û gaza rondikrêj hatin, di encamê de gelek kes birîndar bûn.

Her wiha Rewangehê bi dehan birîndar, hin ji wan giran, di nav xwepêşanderan de belge kir, ku ji ber gulebaran û karanîna çekên tûj di dema êrîşên li ser xwepêşanderên aştiyane de, bi taybetî li bajarên Lazqiye û Ceblê, çêbûn û êrîş li çargoşeya Ezherî li Lazkiqiyê ji aliyê hêzên ewlehiyê û alîgirên desthilata veguhêz ve hatin tomar kirin, ku di encamê de birîndar çêbûn, di heman demê de, çend xwepêşander di êrîşeke bi kêr û kêrê de li xaçerêya çargoşeya Emare li Ceblê bi giranî birîndar bûn.

Li ser daxwaza Serokê Civata Bilind ya Îslamî, Elewiyan xwepêşandan kirin

Ev êrîş di demekê de pêk hatin ku hêzên ewlehiya giştî û alîgirên çekdar yên rayedaran bi xwepêşanderên aştiyane yên Elewî re rû bi rû man û hewl dan ku xwepêşandanan bi zorê belav bikin, û ev yek jî alozî li deverên ku xwepêşandan lê pêk hatin zêde kir.

Roja Yekşemê li bajar, bajarok û taxên Lazqiyê, Tartûs, Hums û Hemayê, li ser banga Şêx Xezal Xezal, Serokê Civata Bilind ya Îslamî, xwepêşandan hatin lidarxistin ku ev yek piştî binpêkirin û tawanên li dijî Elewiyan li Sûriyê pêk hatin, ku ya herî dawî jî bombebarana Mizgefta Îmam Elî ibn Ebî Talib li Humsê bû.

Li gorî Rewangeha Sûrî ya Mafên Mirovan, kombûn li derdora Çerxerêya Çandiniyê û derdora Çerxerêya Ezherî li bajarê Laziqiyê, derdora Çerxerêya El-Se`idî li Tertûs, derdora Çerxerêya El-Emare û derdora taxa Nexweşxaneyê li Cebelê, li derdora Çerxerêya El-Mirîce in û Çerxerêya El Qisûr li Banyas,û Meydana Mizgefta Îmam Elî Bin Ebî Talib li Wadî El-Zeheb û Meydana El-Zehraa li taxa El-Zehraa ya bajarê Humsê.

Xwepêşanderên Elewî daxwaza Serxwebûn û Fedralîzimê dikin

Li bajarên Selheb, Eyn El-Krûm û Misyaf yên parêzgeha Hema xwepêşandan hatin lidarxistin ku têde xwepêşanderan bi diruşmên daxwaza mafê çarenûsî, pejirandina federalîzmê wekî pergala hikûmetê, bidawîanîna binpêkirinên mafên mirovan û hesabpirsîna berpirsiyaran dikirin, bilind kirin.

Rewangeha Sûrî bo Mafên Mirovan piştrast kir ku xwepêşandan aştiyane bûn, lê li dora çend meydan û çerxerêyan hêzên ewlehiyê yên zêde hebûn, li Lazkiqê, Ceblê Banyas û Humsê, hewldanên ji bo belavkirina bi zorê ya xwepêşandanan û êrîş hatin ragihandin.

Ev çalakî ji aliyê endamên hêzên Ewlekariya Giştî û kesên ji komên bi navê "Aştiya Sivîl" ve hatin kirin, ku bû sedema zêdebûna aloziyan li dora xwepêşandanan.

Ev tevger di demekê de tê ku alozî di navbera endamên pêkhateya Elewî li Lazkiqiyê, Tartûs, Hums û Hemayê de zêde dibin, li hember pêşketinên ewlehiyê yên dawî, di nav daxwazên gel yên zêdebûyî de ji bo misogerkirina mafên siyasî, parastina aştiya sivîl û rawestandina bikaranîna hêzê li dijî xwepêşanderên aştiyane.

PUKMEDIA