Wezîrê Dadê yê Îraqê projeyek nû ji bo girtiyan ragihand

Malpera Wezareta Dad ya Federal

Aliyek ji merasîmê

Wezîrê Dadê yê Îraqê projeyek nû ya hevpeyvîna elektronîkî ya bi dîmen û deng bi awayekî rêxistinî û ewlekarî ya asta bilind li Girtîgeha Navendî ya Kerxê vekir.

Îro;19ê Mijdara 2025an, Wezareta Dadê ya Îraqê di daxuyaniyekê de amaje bi wê yekê kir ku Wezîrê Dadê yê Îraqê Xalid Şuanî projeyek hevpeyvîna elektronîkî ya bi deng û dîmen li Zîndana Navendî ya Kerxê vekir, ku armanc wê bi karanîna teknolojiya nûjen xizmetên ku ji girtiyan û malbatên wan re têne peyda kirin baştir bike,her weha ev proje her wiha beşek ji hewldanên Wezaretê ye ji bo rêxistina rêkarên hevpeyvînê û xurtkirina peywendiyên mirovî di navbera saziyên sererastkirinê de, û yekem projeya wisa ye li ser asta saziyên sererastkirinê yên Îraqê.

Di dema destpêkirina projeyê de, Wezîrê Dadê Xalid Şuwanî ragihand ku proje dê barê li ser xizmên girtiyan, nemaze yên ku ji ber dûrbûn, tenduristî yan rewşa aborî nikarin rasterast beşdar bibin, bi girîngî kêm bike.

Her weha aşkere kir ku,xizmet rê dide ragihandina deng û vîdyoyê bi riya platforma (Jitsi Meet) bi standardên rêxistinî û ewlehiyê yên pir bilind, daku ragihandina rast misoger bike, û beşdarî kêmkirina barê li ser malbatan di dema serdanên zindî û hevpeyvînan de bibe.

PUKMEDIA