Serok Bafil:Hewlên YNKê di çarçoveya yekxistina aliyan de dibin

Nivîsingeha Rojnamevaniya Serok Bafil

Serok Bafil û Fayêq Zêdan

Bafil Celal Talebanî, serokê Yekîtiya Niştimanî ya Kurdistanê (YNK), li Bexdayê digel Fayêq Zêdan, Serokê Civata Bilind ya Dadweriya Îraqê civiya.

Di civînê de Nîzar Amêdî, Endamê Mekteba Siyasî ya YNKê; Xalid Şuwanî, Wezîrê Dad yê Îraqê beşdar bûn, tekezî li ser pêwîstiya hemahengî û hevkariya berdewam di navbera aliyên siyasî de hate kirin daku lezê bidin avakirina hikûmeteke nîştimanî ya xizmetgûzar ku bersiva fikar û pêdiviyên gel bide.

Her di civînê de tekezî li ser parastina mafên destûrî û yasayî hate kirin, daku bibe egera aramiya zêdetir li welêt.

Serok Bafil destxweşî û pêzanîna xwe ji bo hewlên dadweriyê di misogerkirina serkeftina Hilbijartina Civata Nûneran ya Îraqê de anî ziman û ragihand ku hewldanên YNKê dê di çarçoveya yekxistina aliyan û yekrêziya nîştimanî de bin û emê ji bo xizmetkirina zêdetir ji gelê xwe yê xweşewîst kar bikin.
.
PUKMEDIA