Pêgeha YNKê li Bexdayê bi hêztir dibe

PUKMEDIA

Yekîtiya Niştimanî ya Kurdistanê

Gera Şeşemîn ya Hilbijartina Civata Nûneran ya Îraqê ku di 11ê Mijdara 2025an de bi rêve çû, ew hilbijartin bû ku di hejmara dengên aliyên cuda de gelek guhertin dirust kir, hindek ji wan hejmara deng û kursiyan kêm kirin û hin ji wan jî hejmara deng û kursiyên wan zêde kirin, Yekîtiya Niştimanî ya Kurdistanê di nav tevaya hêz û aliyên siyasî yên Kurd yekane aliyê siyasî ya Kurdî bû ku deng û kursiyên xwe zêde kir ku hem dengên xwe û hem jî hejmara kursiyên xwe zêde kir,bi awayekî ku YNKê di hlbijartina sala 2021 an ya Civata Nûneran ya Îraqê ku hejmara dengên wê tenê 368 hezar û 226an bû ku 17 kursî bûn, lê, di vê hilbijartinê de, hejmara dengên xwe zêde kir kugihîşt 626 hezar û 187 dengan û hejmara kursiyên xwe jî bo 18 kursiyan zêde kir, ev yek di demekê de ye ku,YNKê Komîsyonê hîna biryar nedaye ka ewê bi ser bikevin yan na, lê eger heye ku çend namzedên din yên YNKê bi serkevin.

Li Silêmanî û Kerkûkê hevrikên YNKê nîne

Her yek ji parêzgehên Silemanî û Kerkûk ew du parêzgehên ku tê de YNKê yekem bûye û çi aliyekî din ya siyasî nekariye hevrikiyê digel wê de bike.

Li gorî Komîsyona Serbixwe ya Hilbijartinên Îraqê, li parêzgeha Silêmaniyê 240 hezar û 899 deng bi dest xistin ku ev li gorî hilbijartina berê, ku 141 hezar 660 deng bûn, lewra gelek dengên xwe zêde kiriye.

Hejmara dengên YNKê li Kerkûkê 115 hezar zêde bûye

Li parêzgeha Kerkûkê, hejmara dengên YNKê di vê hilbijartinê de gihîştiye 178 hezar û 629 dengan, li gorî hilbijartina sala 2021an ku 63 hezar û 371 deng bûn,lewra niha gelekî dengên xwe zêde kiriye,ku hejmara kursiyên xwe li wê parêzgehê ji sê kursiyan bo çar kursiyan zêde kiriye.

YNKê li Hewlêr û Neynewa jî dengên xwe zêde kiriye

Li parêzgehên Hewlêr û Neynewa, dengên xwe zêde kirine û serkeftinên mezin bi dest xistine bi awayekî ku lLi parêzgeha Hewlêrê, hejmara dengên wê gihîştiye 97 hezar û 301 dengan, ku ev jî li gorî hilbijartina sala 2021an, ku 65 hezar û 862 deng zêde kiriye.


Li parêzgeha Neynewa hejmara dengên YNKê gihîştiye 56 hezar û 346 deng û li gorî hilbijartina sala 2021 an ku 30 hezar û 538 deng bûn, dengên xwe zêde kiriye.


Ev serkeftin encama wê rastiyê ye ku gelek kes bawer dikin ku YNKê bi serokatiya Serok Bafil dê pirsgirêkan li her deverê çareser bike û di hikûmeta bê ya Îraqê de xizmet bike,ewê bibe hêza hilbijêrên xwe li Bexdayê û ji bo mafên wan yên destûrî şer bike.
YNKê hejmara dengên xwe du qatan zêde kiriye

Li gorî komisyonê, Yekîtiya Niştimanî ya Kurdistanê (YNK), (YNK) di Gera Pêncemîn ya Hilbijartina Civata Nûneran ya Îraqê ya sala 2021an de 398 hezar û 226 deng bi dest xist û di vê hilbijartinê de, wê hejmara dengên xwe gihand 626 hezar û 187 dengan û bû yek ji mezintirîn aliyên Îraqê ku rêjeyek mezin ji baweriya dengdêran bi dest xistiye.

Bi destxistina 626 hezar û 187 dengan ji aliyê YNKê ve hejmara kursiyên wê partiyê ji 17 bo 18 kursiyan zêde kiriye,û hîna encamên fermî yên Komîsyona Bilind ya Serbixwe ya Hilbijartinên Îraqê hîn ne hatine ragihandin û tê pêşbînî kirin ku YNK hejmara kursiyên xwe li hin deverên veqetandî zêdetir bike.

PUKMEDIA