Komîsyon: Piştî çareserkirina giliyan emê encaman ji bo pejirandinê bişînin Dadgeha Federal

PUKMEDIA

Logoya Komîsyonê

Komîsyona Bilind ya Serbixwe ya Hilbijartinê ragihand ku encamên hilbijartinê dê bi biryara Komisyona Komîseran werin ragihandin, û mekanîzmaya çareserkirina giliyan berî pejirandina lîsta dawî ya serketîyan eşkere kir.

Cûmane El-Xelayî, Berdevka komîsyonê, ji PUKMEDIA re got: Komîsyonê ji bo çareserkirina giliyan komîteyên ji karmendên yasayî yên şare pêk anîne ku endamên Komisyona Komîseran, di nav de dadwer û şêwirmend jî hene, serokatiya wan dikin,û tekez kir ku her biryarek komisyona Komîseran dikare di nav sê rojan de piştî roja weşandinê li ber destê dadweriyê were red kirin.

Navbirî destnîşan kir ku encamên dawî bi biryara civatê têne ragihandin, û piştî ku qonaxa redkirinê bi dawî dibe û çareser dibe, Dadgeha Federal encaman pesend dike, û destnîşan kir ku dengên namzedên hatine derxistin ji navnîşê têne girtin.

Ji aliyê xwe ve, Cîgira Berdevka Komîsyona Bilind ya Serbixwe ya Hilbijartinê, Nibras Ebû Sode, diyar kir ku Komîsyon pêşî ji bo çareserkirina giliyên hatine pêşkêşkirin dixebite,ji bilî çareserkirina pirsgirêka navendên dengdanê yên ku di nav şeş demjimêrên pêşîn de piştî girtina sindoqên dengdanê, ku diviyabû bi riya medyaya veguhastinê bigihîştin, encamên xwe neşandine.

Her weha destnîşan kir ku encamên destpêkê yên hatine ragihandin dikarin werin redkirin, û ev redkirin piştre ji aliyê Komîsyon û Desteya Dadwerî ya Hilbijartinan ve têne çareserkirin û nirxandin û got: Desteya Dadweriyê paşê çareseriya tevahî ya hemî redkiriyan radigihîne, û nameya wê wekî agahdariyek fermî ji Komîsyonê re ji bo temamkirina vê qonaxê kar dike.

Navbirî diyar kir ku, komîsyon dpiştre encamên dawî ji bo pejirandinê dişîne Dadgeha Bilind ya Federal,û destnîşan kir ku ev babet ne bi heyamek diyarkirî ve girêdayî ye, lê bi pêngavên ku divê werin temam kirin ve girêdayî ye.

PUKMEDIA