Serokkomar: Silêmanî demek e di têkoşîna li dijî neheqiyê de pêşeng e

Nivîsingeha Ragihandina Serok Komarê Îraqê

Serokkomarê Îraqê Ebduletîf Cemal Reşîd

Serokkomarê Îraqê Ebduletîf Cemal Reşîd roja Înê, 14ê Mijdara 2025an, bi boneya 241.emîn salvegera damezrandina bajêr pîrozbahiyên xwe pêşkêşî xelkê Silêmaniyê kir.

Di peyama xwe de, Serokkomar girîngiya dîrokî ya Silêmaniyê û damezrandina wê ji aliyê Îbrahîm Paşayê Baban ve, ku ew kir paytexta Îmarata Baban û navendeke girîng a çandî û îdarî, destnîşan kir û pesna nifşên kesayetên navdar yên Silêmaniyê da ku beşdarî zanist, çand, siyaset û pêşveçûna berfireh a civakê bûne.

Her weha got: Gelê Silêmaniyê yê hêja, ez kêfxweş im ku salvegera 241.emîn ya damezrandina Silêmaniyê ji aliyê Babaniyan ve li we pîroz dikim. Ku heta roja îro, bajar berdewam dike bi pêşveçûnê, dibe pêşeng di pêşveçûnê de li gorî bajarên mezin yên Îraq û herêmê û çirayek bedewî û geşbûnê li Kurdistana Îraqê.

Navbirî aşkere kir ku dema ku bajar di sala 1784an de ji aliyê Îbrahîm Paşa Baban ve hate damezrandin, navê wê Silêmanî bû û bû paytexta Îmarata Baban,ew veguherî navendeke çandî, zanistî û şaristanî, ku bi serbilindî sembola têkoşîn, berxwedan û xizmeta ji bo welat e vê bajarî gelek kesayetên girîng yên siyasî, zanistî û çandî derxistine holê, û bûye mala helbestvan û nivîskarên dilsoz yên ax û neteweyê ku jiyana xwe ji bo xizmeta mirovahiyê terxan kirine.

Serokkomar dazanîn ku Silêmanî demek dirêj e di pêşengiya têkoşîna li dijî ne heqî û zordariya rejîmên faşîst de ye, ji bo rûmet, azadî û pêşerojek çêtir ji bo nifşên pêşerojê têdikoşe.

Her weha got: Ji damezrandina dewleta Îraqê ve, serkirdeyên Kurd yên wekî Şêx Mehmûd Berzencî ji Silêmaniyê derketine û di pêşvebirina jiyana hevbeş de roleke çalak lîstine,aştî di navbera hemî pêkhateyên Îraqî de pir girîng e, û ji ber vê sedemê, gelê Silêmaniyê bê westan ji bo Îraqek e demokratîk û federal xebitiye ku mafên hemî civakan tê de werin parastin.

Serokkomar tekez kir ku bajêr di avakirina Îraqeke federal a azad û demokratîk de roleke girîng lîstiye û got: Rewşenbîrên Kurd û Ereb xwedî peywendiyek e kûr in û ji bo armancên hevpar bi hevre dixebitin û beşdariya Silêmaniyê di avakirina Îraqeke cuda bê dîktatorî û qurbaniyên mezin yên ku wê di vê riyê de kirine, heq dikin ku bêtir bên naskirin û hewlên zêdetir bidin daku pêşveçûn û girîngiya wê zêde bibe.

Serokkomar bi dûbarekirina piştgiriya Serokatiyê di dawiyê de got: Di Serokatiya Komarê de, me bi berdewamî ji bo xizmetkirina hemî parêzgeh û bajarên Îraqê xebitiye, hewl daye ku xizmetên baştir peyda bikin û pêşkeftin û pêşketinê pêş bixe û bi vî ruhî, Serokatiyê bi Hikûmeta Federal, Herêma Kurdistanê û rayedarên herêmî re hevkariyê kiriye daku xizmetkirina xelkê Silêmaniyê û hemî bajarên Îraqê bike, da ku armancên wan yên ji bo rûmet û jiyaneke baş pêk bîne.

PUKMEDIA