Qubad Talebanî: Emê baweriya xelkê bikin bingeha bidestxistina mafên xwe yên destûrî

PUKMEDIA

Qubad Talebanî di dema bangeşeyê de

Qubad Talebanî Endamê Mekteba Siyasî ya Yekîtiya Niştimaniya Kurdistanê (YNK) û çavdêrê baznieya Hewlêrê serkeftina hilbijartinan li gelê Îraqê û Herêma Kurdistanê pîroz kir û got: YNKê dê vê baweriya xelkê Kurdistanê bi kar bîne daku pêgeha Kurd li Îraqê bi hêz bike û pirsgirêkên di navbera Herêma Kurdistanê û Bexdayê de çareser bike û mafên destûrî bi dest bixe.

Qubad Talebanî di peyamekê de ragihand ku, bi birêveçûna proseya hilbijartina Civata Nûneran ya Îraqê bi awayekî serkeftî, serkeftina xelkê Îraqê û Herêma Kurdistanê ye, ez bi vê boneyê hemû Îraqiyan, bi taybetî jî welatiyên Kurdistanê pîroz dikim.

Her weha ez spasiya xelkê Kurdistanê dikim ji bo beşdariya wan ya girîng û ez spasî û pîrozbahiyên taybetî li hemû dengderên YNKê dikim ku bi dengên xwe giranî û cihê YNKê li Kurdistan û Îraqê bi hêz kirin, em dengdêran, girseya YNKê û xelkê Kurdistanê piştrast dikin ku YNKê dê li gorî vê baweriya mezin be û dê hemû hewla xwe bide daku sozên xwe cî bi cî bike.

Di dawiyê Qubad Talebanî got: YNKê dê vê baweriya xelkê Kurdistanê bikar bîne daku pêgeha Kurd li Îraqê bi hêz bike û pirsgirêkên di navbera Herêma Kurdistanê û Bexdayê de çareser bike; û emê ji bo hemû mafên destûrî yên xelkê Kurdistanê şer bikin.

PUKMEDIA