Dengdana giştî ji bo hilbijartinên parlamentoya Îraqê dest pê kir

PUKMEDIA

Dengdan

Proseya dengdana giştî ji bo hilbijartinên parlamentoya Îraqê îro Sêşemê, 11ê Mijdara 2025an, demjimêr 7:00ê sibê dest pê kir û dê heta demjimêr 6:00ê êvarê berdewam bike.

Cumena el-Gelayî berdevka Komîsyona Bilind a Serbixwe ya Hilbijartinê ya Îraqê ji PUKMEDIA re got: Hejmara dengdêrên mafdar 20,263,773 e, li ser 18 navçeyên hilbijartinê, li ser 8,703 navendên dengdanê û 39,258 wêstgehên dengdanê li seranserê welêt hatine belav kirin.

Got jî: Proseya dengdana taybet ji bo kesên koçber jî dest pê kir ku 26,538 dengdêrên koçber beşdarî 27 navendên dengdanê bûn ku 97 wêstgeh dengdanê dihewînin, û piştrast kir ku "hemû amadekariyên lojîstîkî û teknîkî ji bo misogerkirina rêveçûna baş a pêvajoya dengdanê temam bûne.
Hejmara giştî ya namzedan ji bo hilbijartinan 7,743 e, ku ji wan 5,496 mêr û 2,247 jin in. Piştî kontrolkirina dosyayên wan û temamkirina prosedurên yasayî yên têkildarî wan, 848 namzed hatin derxistin.

PUKMEDIA