Zêdetirî 7700 namzed ji bo parlementoya Îraqê pêşbirkê dikin

PUKMEDIA

Encûmena Nûneran

Dengdana taybet ji bo şeşemîn xola parlementoya Îraqê dê îro Yekşemê 9/11/2025 li Herêma Kurdistanê û Îraqê were lidarxistin, ku bilindtirîn desthilata yasadanîn û çavdêriyê ya Îraqê ye, dê roja Sêşemê hilbijartina giştî li dar bixe, ku 7,743 namzed dê beşdarî hilbijartinê bibin û 323 namzed dê biçin parlementoyê.


Priseya dengdana taybet bo hilbijartinên parlemena Îraqê dest pê kir û li Herêma Kurdistanê 270 hezar dengder mafên dengdanê hene, ku bi ser 204 navendên dengdan û 958 wêstgeh hatine dabeş kirin, ku ji aliyê rêxistinên herêmî û navneteweyî yên ku ji bo mijara hilbijartinê hatine veqetandin ve tê şopandin, li tevahiya Îraqê hejmara dengdêrên taybet 1 milyon û 313 hezar û 980 kes e.

Ji bo vê hilbijartinê li hemû partiyên li Herêma Kurdistanê û Îraqê hejmara namzedan 7 hezar û 743 e, ku ji wan 2 hezar û 247 jin û 5 hezar û 496 mêr in.
Di pêncemîn xola Meclisa Nûneran de, ku di 10ê Cotmeha 2021an de hat lidarxistin, 329 namzedên ji partiyên siyasî di çarçoveya 25 komîteyan de bûn endamên Meclisê.
Roja Sêşemê 11/11/2025 dengdana giştî birêve diçe, û hejmara dengdêrên di hilbijartinan de dê 20 milyon û 63 hezar û 733 kes be, lê li Îraqê 29 milyon û 262 hezar û 588 dengdêr hene.
Lêbelê, 21 milyon û 404 hezar û 291 kes xwedî kartên biyometrîk in û mafê beşdarbûna di pêvajoyê de hene, anku %73ê tevahî dengdêran.

Her weha li tevahiya Îraqê 8,703 navendên dengdanê û 39,285 navendên dengdana giştî hene, lê 809 navendên dengdana taybet û 4,501 wêstgehên dengdana taybet hene

PUKMEDIA