Komîsyonê dema destpêkirina dengdana taybet ragihand

PUKMEDIA

Cûmane Xelayî

Berdevka Komîsyona Bilind ya Serbixwe ya Hilbijartinan ya Îraqê ragihand ku dengdan dê roja Yekşemê demjimêr 7:00ê danê sibê bi beşdariya zêdetirî milyonek dengdêran dest pê bike.

Cûmane Xelayî Berdevka Komîsyona Bilind ya Serbixwe ya Hilbijartinan ya Îraqê ji PUKMEDIA malpera fermî ya Yekîtiyan  Nîştimanî ya Kurdistanê ragihand li seranserê Îraqê milyonek û 313 hezar û 980 dengdêrên taybet hene û ew dikarin sibê roja Yekşem, rêkefta 9ê Mijdara 2025an ji demjimêr 7:00ê danê sibê heta 6:00ê danê êvarê deng bidin, her wiha li seranserê Îraqê neh navend û 4 hezar û 501 wêstgehên dengdanê yên taybet hene.

Navbirî got: Digel dengdana taybet de 26 hezar û 538 penaber mafên wan yên dengdanê hene, û ji bo wan 27 navendên dengdanê û 97 wîstgehên dengdanê hatine amadekirin.

Ev yek di demekê de ye ku, kempîna dengdanê ya Gera Şeşemîn ya Hilbijartina Civata Nûnerên Îraqê demjimêr 7:00ê danê sibeha îro Şemiyê rêkefta 8ê Mijdarê bi dawî bû û biryar e ku Yekîtiya Niştimanî ya Kurdistanê (YNK) beşdarî hilbijartinên giştî yên ku di 11ê Mijdara 2025an de li parêzgehên Hewlêr, Silêmanî (di nav de Helebce), Duhok, Kerkûk û Diyale lidarxistin bûye,hevdem li parêzgeha Neynewa bi Hevpeymaniya Xelkê Neynewa bi Lîsta Hejmar 281 û li Bexdayê bi Namzedê Hejmar 89 bi Lîsta Hejmar 207 (Avakirin û Pêşvebirin) re beşdar dibe,di heman demê de, li parêzgeha Selahedîn, ewê di hilbijartinên 11ê Mijdara 2025an de bi yek namzed ji lîsta Hevpeymaniya Xelkê Nîştimanî ya Hejmar 5 beşdar bibe.

PUKMEDIA