Nepal bi krîza siyasî ya herî tûnd re rû bi rû ye

Cîhan 11:25 AM - 2025-09-11

Xwepêşandana Nîpal

Nîpal bi yek ji krîzên xwe yên siyasî yên herî xirab re têdikoşe, hikûmet ji ber nerazîbûnan hikûmet hilweşiya û serokwezîran dest ji kar kişandin, ji aliyeke din ve qedexeya hatûçûya giştî hat ragihandin û artêş hewl dide rewşê kontrol bike.

Xwepêşandan li ser qedexeya medyaya civakî û gendeliya hikûmetê dest pê kirin

Xwepêşandan di 8ê Îlona 2025an de dest pê kirin, dema ku hikûmetê qedexeyek li ser platformên medyaya civakî, di nav de Facebook, YouTube, X û Instagram, danî, ku welatiyan ev yek wekî binpêkirina azadiya ramanê dît, xwepêşandan zû ji xwepêşandanên aştiyane veguherî pevçûnên tund, polîs gaza firmêskrêj û fîşekên lestîk bikar anî ku girseyê belav bike. Heta 10ê Îlonê, hejmara kuştiyan gihîşt 31 kesan û zêdetirî 1000 kes birîndar bûn.

Serokwezîr dest ji kar berda

Ji ber zêdebûna ne aramiyê û fişar Serokwezîr Nîpal KP Sharma Oli di 9ê Îlonê de dest ji kar kişand, Piştî wê Oli li baregeheke leşkerî ya li Shivapuri ya li Budhanilkantha xwe parast, lê xwepêşanderan xwepêşandanên xwe berdewam kirin û avahiyên sereke yên hikûmetê, di nav de parlementoya federal û Dadgeha Bilind û rûniştgehên serok û serokwezîr kirin armanc ku gelek ji wan hatin şewitandin.

Hewldanên artêşê ji bo kontrolkirina rewşê didome

Ji bo rawestandina tundûtûjiya zêdebûyî, artêşa Nîpalê li Katmandu û bajarên din ên mezin hate bicihkirin, qedexeya derketina derve li seranserê welêt hate ferzkirin û qedexeya derketina derve heta demjimêr 6ê sibê ya roja din hate dirêjkirin. Leşker li deverên stratejîk hatin bicihkirin, di nav van de baregehên hikûmetê û cihên girîng hene.

Daxwaza serokatiyek demkî

Xwepêşanderan Sushila Karki wekî serokek demkî pêşniyar kirin, li gorî zanyariyan Karki namzedeke qebûlkirî ye, her çend danûstandinên li ser avakirina hikûmetek veguhêz berdewam dikin jî, Artêşa Nîpalê bi serkirdeyên xwepêşandanan re di danûstandinan de ye da ku aramiya welêt vegerîne.

Ne aramiya domdar û pêşerojek ne diyar

Rewş heta 11ê Îlonê ne aram dimîne, di heman demê de şandina artêşê û sepandina qedexeya derketina derve aramiyek demkî anî, lê alozî hîn jî maye, xwepêşander daxwaza çeksaziya sîstematîk dikin da ku pirsgirêkên gendelî, newekheviya aborî û dayîna mafên wan çareser bikin,
Ji ber vê yekê, rojên pêş ji bo Nîpalê wekî biryardar têne hesibandin.

PUKMEDIA