Buhayê Tomen li hemberî Dolar gelekî daketiye

Reuters

Wêneya diravê Îranî û Dolarê Amerîkî

Berawird bi heyva borî buhayê Tomenê Îranî li hemberî Dînarê Îraqî û Dolarê Amerîkî gelekî daketiye û tê çavrêkirin ku hîna bêtir dakeve.

Îro li Herêma Kurdistan nirxa  nirxê dolarê Amerîkî li hemberî Tomenê Îranî 11 Milyon û 950 hezar Tomenê Îranî bû, lê li Tehranê buhayê100  Dolarê Amerîkî li hemberî Dînarê Îraqê 141 hezar Dînar e bi 12 milyon û 100 hezar Tomen, cara yekem di çend salan de ku nirxê pereyê Îranî li hember dînar û dolar daket.

Aborînas kêmbûna buhaê Tomenê bi rewşa Rojhilata Navîn, bi taybetî jî bi pirsa Îran û Îsraîlê ve girêdidin, ku di navbera wan de alozî zêde heye.

Daketina berdewam ya buhayê Tomenê Îranî rasterast bandorê li ser bihayên kelûpel û xizmetguzariyên bingehîn li Îranê dike û hêza kirîna welatiyan, bi taybetî yên navîn û hejar, lawaz dike.

Her wiha, dorpêçên aborî, enflasyona navxweyî û rewşa siyasî ya li herêmê bandor li ser buhayê diravê Îranê kirine.

PUKMEDIA