Qubad Talebanî: Kurdan her timî piştgirîya gelê Filistînê kiriye

Ragihandina Qubad Talebanî

Civîna Qubad Talebanî digel Konsulê Giştî yê Filistînê

Cîgirê Serokwezîr Qubad Talebanî pêşwazî li Konsulê Giştî yê Filistînê li Herêma Kurdistanê Dr. Mahir Kerakî kir û di civînê de behsa rewşa Filistînê û peywendiyên navbera herdu aliyan hate kirin.

Di civîna ku roja Çarşemê 10ê Îlona 2025an de bi rêve çû, Qubad Talebanî bal kişand ser peywendiyên dîrokî yên di navbera her du tevgerên Kurdî û tevgera Filistînê de û ragihand ku gelê Kurd her timî piştgirî li daxwazên rewa yên gelê Filistînê kiriye, û hevsozî û hevxemiya xwe ji bo wê karesatên mirovî nîşan daye; ku bi ser gelê Filistîn û Kerta Xezeyê de hatiye.

Cîgirê Serokwezîr hêvî xwest ku şer di demek nêzîk de bi dawî bibe û aştî li herêmê serdest bibe, û di vê çarçoveyê de jî piştgiriya xwe ji bo çareseriya du dewletan nîşan da ku niha ji aliyê piraniya welatên cîhanê ve tê piştgirî kirin. 

Di beşek din ya civînê de, her du aliyan gotûbêj li ser bi hêztirkirina peywendiyên di navbera Kurdistan û Filistînê de kirin; û li hev kirin ku pêwîste hem gelê Kurdistanê û hem jî gelê Filistînê di asta civaka navneteweyî de piştgiriyê bidin hev du û hevxemê yektir bin.

PUKMEDIA