Roja Cîhanî ya Pêşîgirtina li Xwekuştinê: Salan e 720 hezar kes xwe dikujin

Medya

Roja Cîhanî Pêşîgirtina li Xwekuştinê

Rêxistina Tenduristiyê ya Cîhanê her salekê roja 10ê Îlonê Roja Cîhanî ya Pêşîgirtina li Xwekuştinê pîroz dike, xwekuştin pirsgirêkek mezin ya tenduristiya giştî ye, ku her salê zêdetirî 720 hezar kes ji ber sedemên cûr bi cûr xwe dikujin ku bandorek e xirap û kûr li ser malbat, heval, cihên kar û tevahiya civakên cîhanê dike.

Rêxistina Tenduristiyê ya Cîhanê got: Peyamek eşkere ye, xwekuştin ne tiştekî neçarî ye, ew yek mirov dikare asteng bike, axaftina vekirî, guhdarîkirina bi dilovanî û şikandina bê dengiyê dikarin jiyana mirovan rizgar bikin. Roja Cîhanî ya Pêşîgirtina li Xwekuştinê  berpirsiyariya me ye, û pêwîste malbat, xwendingeh, cihên kar, civak û hikûmetan bi hevre kar ji boastengkirina vê diyardeyê bikin.

Rêxistinê destnîşan kir ku rêxistin dikarin bi riya siyasetên pêşîlêgirtinê, diyaloga vekirî li ser tenduristiya derûnî û perwerdehiya li ser naskirin û bersivdayîna nîşanên hişyariyê cihên kar yên piştgirîdar pêşve bibin.

Rêxistina Tenduristiyê ya Cîhanê aşkere kir ku xwekuştin dikare bi riya pesendkirina rêbazek giştî ya hikûmetê û cî bi cîkirina stratejiyên neteweyî yên li ser bingeha datayan û tevlêkirina civakên herêmî û nûjenkirina yasayan ji bo parastina tenduristiya derûnî were asteng kirin.

PUKMEDIA