NY: Erdheja li Efganistanê bandor li sed hezaran zarokan kiriye

Ajans

Erdheja li Efxgnistanê

Nirxandinên destpêkê yên Neteweyên Yekgirtî  yên li ser bandora erdheja kujer ya dawî li Efganistanê nîşan didin ku 5 hezar û 230 xanî rûxiyan e û ziyan gihîştiye 672 xanîyên din li 49 gundan her weha Neteweyên Yekgirtî  negihîştiye piraniya gundên dûr.

Shannon Ohara, seroka Ofîsa Neteweyên Yekgirtî ya ji bo hemahengiya Karûbarên Mirovî (OCHA) li Efganistanê, ragihand ku riyên zirardar li rojhilatê çiyayî û asê yê welêt, ku erdheja bi pileya 6.0 lê rû da, zirarê li 441 gundên bandordar pir dijwar kiriye, her weha aşkere jî kir ku rêze erdhejên piştî erdhejê, ku bi pileya ji 5.2 heta 5.6 diguherin, nirxandinê hîna aloztir kirine.

Erdheja roja 31ê Tebaxê rû da û di encamê de herî kêm 2 hezar û 200 kesan canê xwe ji dest dane û bi derxistina termên zîdetir re çêdibe ku ev hejmar zêdetir bibe.

Neteweyên Yekgirtî texmîn dike ku erdhejê bandor li nêzîkî 500 hezar kesan kiriye, ku ji nîvî zêdetir zarok bûn.

Ohara diyar kir ku gihîştina deverên herî bandordar pir dijwar bû; nêzîkî şeş demjimêr û nîvan kişand ku mirov bigihîje navenda erdhejê ya Celal Abadê ku bajarê herî mezin yê nêzîkî herêma erdhejê nû ku li ser yekane rê, riyek e teng e ku di nav çiyê de hatiye kolandin, bi astengiyên kevirî yên ji ber erdhejê çêbûne.

Navbirî destnîşan kir ku çend otombêl ku di nav de kamyonên barhilgir yên alîkariya mirovî jî hene, hewl didin ku bigihîjin wê geliyê daku alîkariya akinciyan bikin.

PUKMEDIA