Rêveberê SOMO: Bexda razî ye li ser kêmkirina hinardekirina petrola herêmê

PUKMEDIA

Petrola Herêma Kurdistanê

Rêveberê Kompanya (SOMO) ragihand ku, her yek ji hikûmeta Herêma Kurdistanê û hikûmeta Îraqê li ser ji nû ve hinardekirina petrolê ji Herêma Kurdistanê bo Turkiyê li hev kirine.

Îro; Yekşem rêkefta (07-09-2025) an; Rêveberê Kompaniya (SOMO) Elî Nîzar ragihand ku hikûmeta Îraqê û Hikûmeta Herêma Kurdistanê li ser pirsa hinardekirina petrolê baş li gev kirine û Bexda razî bûye ku hinardekirina rojane ya petrolê ji 400 hezar bermîlan kêm bike bo 230 hezar bermîlan, heta kêmtir jî ji ber ku hilberîna petrolê ya herêmê kêm bûye.

Her weha behsa wê yekê kir ku,xalek e din ya rêkeftina di navbera Herêma Kurdistanê û Îraqê de, pirsa kompaniyên petrolê ye ku aramî ji bo karên wan pêwîst e her weha çend pirsgirêkên din jî hene, eger pirsgirêkên wan di demek nêzîk de çareser bibin, ev yek dê di berjewendiya herêmê de be û nakokî hî dê bi dawî bibin.

Ev yek di demekê de ye ku, Hikûmeta Herêma Kurdistanê hîna hinardekirina petrolê ji nû ve dest pê ne kiriye, ku ev yek ji xalên serek e yên peymana di navbera Hewlêr û Bexdayê de ye, lewra fermanberên herêmê îsal tenê şeş mûçeyên xwe wergirtine.

PUKMEDIA