Dr.Wîdad Akrawî bawernameya Zanîngeha Oxfordê wergirt

Dr Widad Akreyi Website

Dr. Wîdad Akrawî

Dr. Wîdad Akrwayî ku yekek ji navdartirîn kesayetên Kurdî û sembola Aştiyê ye,  bawernameya rêzgirtinê ya Zanîngeha Oxfordê wergirt ji ber beşdariyên wê di lêkolînên bijîşkî li Kurdistanê

Dr. Wîdad Akrwayî sembola navdar ya Kurd û damezrênera Rêxistina (Defend International) ya Mafên Mirovan bawernameya rêzgirtinê ya Zanîngeha Oxfordê wergirt ji bo xizmeta wê wekî nirxandinvanek ji bo Govara wan ya bijîşkî,(Epidemiologic Reviews).

Pispora tenduristiyê ya Kurd û çalakvana mafên mirovan, Dr. Wîdad Akrawî xwediya mastera di genetîkê de û doktorayê di tenduristî û epidemiolojiya navneteweyî de ye,wê gelek pirtûk nivîsandine ku hem pirsgirêkên tenduristiyê û hem jî pirsa mafên mirovan gotûbêj dike, ku di wê çarçoveyê de behsa ezmûnên xwe ya derbarê binpêkirinên mafên mirovan di dema êrîşa hikûmeta Îraqê bo ser Kurdan di sala 1974an de û pêlên Enfalê dike.

Bi salan e ku Dr. Wîdad Akrawî ji bo xebata xwe ya mirovî gelek xelat wergirtiye,ku ew ji aliyê Fellowship of Reconciliation (Hevaltiya Lihevhatinê) ve wekî "çalakvanek aştiyê ya eşkere" hatiye naskirin û wekî yekem jina ciwan ya bi esla xwe Rojhilata Navîn hatiye naskirin ku li ser mijarên wekî bazirganiya ne yasayî ya çekên sivik, tundûtîjiya li ser bingeha zayendî, bê çekkirina kîmyewî û biyolojîkî, û ewlehiya navneteweyî parêzvanî kiriye.


* Xelatên ku heya niha Dr. Wîdad Akrawî wergirtine ev in:

- Xelata Taybet ya sala 2013an ji bo tijîkirina valahiya navbera Şaristaniyan de ji nivşên pêşerojê.

- Xelata Aştiyê ya ( Pfeffer) ya Navneteweyî ya 2014 an ya taybet bi kinciyên Kobanî, Şingal û Xiristiyanên ku li Rojhilata Navîn yên rastî zordariyê hatine.

-Mîdalya Şaredarê Davenportê ya 2017an û Xelata Pacem in Terris ji bo pabendbûna wê ya fedakar ya ji bo mafên mirovan.

-Di sala 2018an dewê Xelata Navneteweyî ya Jina Harmûnî  wergirt.

-Di sala îsal de wek Jina Salê hat hilbijartin


Dr. Wîdad Akrawî ji aliyê Zanîngeha Oxford ve ji ber beşdariyên wê yên berdewam di warên lêkolînên bijîşkî û pabendbûna wê ya bê navber ji bo mafên mirovan û aştiya cîhanî hat xelatkirin.

PUKMEDIA