Xanima Yekem ya Îraqê: Jin pêşengên berxwedanê ne

Nivîsingeha Ragihandina Xanima Yekem ya Îraqê Şanaz Îbrahîm Ehmed

Wêneyek civîna Xanim Şanaz Îbrahîm Ehmed digel hejmarek jinên Kurd

Di dema pêşwazîkirina hejmarek jinên Kurd de Xanim Şenaz Îbrahîm Ehmed bal kişand ser rola çalak ya jinan di piştgiriya civakê û parastina nasnameya neteweyî de.

Di civînê de ku Sekertêra Yekîtiya Jinên Kurdistanê, nûnerên Komîsyona Kongreya Neteweyî ya Kurdistanê, Kongreya Star û hejmarek çalakvanên di warê berevanîkirina li mafên jinan amade bûn, Xanim Şanaz got:Em bi parçekirinê nikarin çi mafên xwe bi dest bixin û divê em di babetên neteweyî de yekgirtî bin û dev ji hevdu bernedin.

Her weha got: Tevî barê ku li ser wan hatiye sepandin, jin ne tenê dev jê bernedan, di heman demê de jin bûne hêzek ya pêşeng di berxwedan û guhertinan de û mînakên wêrekî û vînê li seranserî cîhanê.

Her wiha behsa wê yekê hat kirin ku pêşeroja xebata jinên Kurd girêdayî mercên siyasî û guhertinên civakî û pêşketinên herêmî ye,û tekez kir ku jinên Kurd dikarin bi peywendiyên xwe digel rêxistinên mafên jinan yên li welatên din xebata xwe bi hêztir bikin.

Her di civînê behsa çalakiyên Kongreya Jinan û pêşniyarên Kongreya Hevpeymaniya Sosyal Demokrat hate kirin ku ji roja 27 heta  roja 30ê Tebaxê li Silêmaniyê hatibû sazkirin.

Derbarê guhertinên siyasî li herêmê û pêşketinên rewşê de, Xanim Şenaz Îbrahîm Ehmed got:Pêwîste Jinên Kurd di tevgera siyasî ya Rojhilata Navîn de rola xwe bilîzin û xebata xwe ya siyasî pêştir bixin.

PUKMEDIA