Maduro bersiva gefên Serokê Amerîka dide

Ajans

Serokê Venezuela Nicolas Maduro

Serokê Venezuela Nicolas Maduro derbarê destwerdana leşkerî ya dibekî ya yên Amerîka li dijî welatê wî de got: Eger êrîşî Venezuela bê kirin, ewê derbazî qonaxa têkoşîna çekdarî bibin.

Serokê Venezuela Nicolas Maduro li Caracas ya paytexta Venezuela digel fermandarên leşkerî re civiya û bersiva gefa Serokê Amerîka Donald Trump da ku gotibû: Em ê balafirên we bixin xwarê.

Maduro got :Em niha di qonaxa têkoşîna bêçek de ne,ev qonaxek siyasî ye lê eger êrîşî me bê kirin, emê derbasî qonaxa têkoşîna çekdarî bibin.

Em aştîxwaz in, lê di heman demê de em neteweyek şervan in jî kes, ne îro û ne jî di pêşerojê de, nikare me bike koleyê xwe, divê Amerîka dev ji pîlanên xwe yên ji bo guhertina rejîma Venezuela ya bi riya tundiyê berde, her weha tekez kir ku ew her demê ji bo diyalog û hevdîtinan vekirî ne, bi mercê ku rêz li gelê Venezuela bê girtin.

Ev yek di demekê de ye ku, Serokê Amerîka Trump helwest nîşanî firîna du balafirên şer yên Venezuela li nêzîkî keştiyeke hêzên deryayî ya Amerîka da û got: Eger wusa bikin em ê balafirên Venezuêla bixin xwarê.

PUKMEDIA