Rêgiriyên li pêş zimanê Kurdî di ezmûnên Kerkukê de berdewam in

PUKMEDIA

Nexşeya Herêma Kurdistanê

Desteya Giştî ya Herêmên Kurdistanî yên li Derveyî Herêma Kurdistanê di daxuyaniyekê de piştrast kir ku pirsgirêka rêgirtina li xwendekaran ji bersivdayîna bi zimanê Kurdî di ezmûnan de, tevî daxuyaniyên berê yên ji bo çareserkirina wê, hîna jî heye û binpêkirinek eşkere ya maddeya 4 Ya Destûra Îraqê ye; ku naveroka daxuyaniyê wiha ye:

Daxuyaniya Desteya Giştî ya Herêmên Kurdistanî yên li Derveyî Herêma Kurdistanê

Piştî weşandina nameya Wezareta Xwendina Bilind ya Îraqê ya bi hejmara (8298) di 16/07/2025an de, ku qedexe dike xwendekar di ezmûnan de bersivdayîna bi zimanê Kurdî bidin,û tevî ku paşê hate ragihandin pirsgirêk hatiye çareserkirin,ev pirsgirêk binpêkirinek eşkere ya maDdeya 4 a Destûra Îraqê ye, hîna jî heye û sînordarkirin hîna ne hatine rakirin, nemaze ji bo xwendekarên zanîngehên hiqûqê û ezmûnên wezaretan, ji ber vê yekê, em li Desteya Herêmên Kurdistanê hewldanên xwe didomînin daku vê pirsgirêkê çareser bikin û bicîhanîna madeya 4 a Destûrê misoger bikin,û astengiyên ku li pêşiya zimanê Kurdî wekî duyemîn zimanê herî mezin yê welêt tê axaftin rakin.

Di heman demê de, em bang li berpirsên Bexdayê dikin ku hewlên xwe zêde bikin daku xwendekar bikaribin bi zimanê xwe yê dayikê bersiva pirsan bidin,di heman demê de wergera pêwîst ji bo ravekirina babetên akademîk peyda bikin.

Di dema derxistina vê biryarê de, me tekez kir ku pêwîste ew bi biryarekê were betalkirin, ne tenê bi daxuyaniyên çapemeniyê, Îraq û destûra wê ya hemû gelên wê ye, û di vê çarçoveyê de, mafê gelê Kurdistanê heye ku mafên xwe yên destûrî biparêze û bikar bîne, bê guman, heke ev pirsgirêk berdewam bike, û madeya 4-an a Destûrê neyê bicîhanîn, ev yek dê me neçar bike ku em helwestekê bigirin û serî li Dadgeha Federal bidin.

PUKMEDIA