Serok Bafil: YNKê piştgiriyê dide her pêngavekê xizmeta gel bike

Ragihandina Serokê Yekîtiya Niştimanî ya Kurdistanê

Serok Bafil pêşwazî li Mohsin Mandelawi, Cîgirê Yekem yê Serokê Civata Nûneran kir

Bafil Celal Talebanî, Serokê Yekîtiya Niştimanî ya Kurdistanê (YNK), li Debaşanê pêşwazî li Muhsin Mendelawî, Cîgirê Yekem yê Serokê Civata Nûneran ya Îraqê kir.

Muhsin Mandelawî pîrozbahî li Bafil Celal Talebanî kir bi boneya hilbijartina wî wekî Serokê Hevpeymaniya Sosyal Demokrat li Cîhana Erebî,her wiha di civînê de tekezî li ser pêşxistina peywendiyên di navbera her du aliyan de hat kirin, daku bi hevre kar bikin û yekgirtî hewlên xwe ji bo çareserkirina pirsgirêkan û berdewamiya hemahengiyê di navbera hemû aliyên siyasî de bikin ji bo parastina aramiya welat.

Gotûbêjkirina rewşa siyasî ya Îraqê û mûçeyên mûçexwerên Herêma Kurdistanê jî tewrek din ya gotûbêjan bûn,û herdu alî jî li ser pabendbûna bi rêkeftina di navbera Herêma Kurdistanê û Bexdayê de hevra bûn.

Serok Bafil ragihand ku YNK dê bi her pêngav û projeyekê re be ku xizmeta gelê me yê xweşewîst bike û em dikarin bi hevre li hember zehmetiyan biserkevin.

Cîgirê Yekem yê Serokê Civata Nûneran ya Îraqê piştgiriya xwe ji bo biserketina hemû hewl û pêngavên ku ji bo cîbicîkirina yasayê û parastina ewlehî û aramiya welatiyan li Silêmaniyê hatine avêtin, nîşan da.

PUKMEDIA