Serokkomar:Çareserkirina pirsgirêkên navbera herêm û Bexdayê li gorî destûrê

Ragihandina Serokatiya Komarê

Serokkomar digel Komeleya Dadweriya Kurdistanê re civiya

Birêz Serokê Komarê Îraqê, Dr. Ebdulletîf Cemal Reşîd, îro roja Sêşemê 2ê Îlona 2025an li Koşka Bexdayê pêşwazî li Serokê Komeleya Dadweriya Kurdistanê, Birêz Elî Bapîr, û şandeya pê re kir.

Di hevdîtinê de, her du aliyan pêşketinên giştî yên li welêt di astên cûda de, pêwîstiya çalakiyên hevbeş ji bo xurtkirina ewlehî û aramiyê, û xebata ji bo dabînkirina hewcedarî û daxwazên welatiyan û baştirkirina xizmetên ku ji wan re têne peyda kirin, gotûbêj kirin.

Serokê Komar girîngiya berdewamiya diyalogê di navbera Hikûmeta Federal û Herêma Kurdistanê de ji bo gotûbêjkirina pirsgirêkan û karê ji bo çareserkirina wan li gorî destûrê û bi awayekî ku xizmeta berjewendiyên hemî welatiyan bike, tekez kir.

Serokkomar bal kişand ser girîngiya Hilbijartina ParlemanaKurdistanê ya dem bê li welêt, û tekez kir ku pêwîst e asta herî bilind ya durustî û şefafiyê were peyda kirin daku baweriya dengdêran zêde bibe û beşdariya berfireh di hilbijartina nûnerên xwe de, bêyî her fişarekê, were misoger kirin û tekez kir ku Serokatiya Komarê di vî warî de bi hevrêziya bi serokatiyan û Komîsyona Bilind ya Serbixwe ya Hilbijartinê re tedbîr girtiye.

Ji aliyê xwe ve, birêz Elî Bapîr piştgiriya xwe ji bo pêşniyarên Birêz Serokkomarê Komarê yên derbarê pêwîstiya xebata hevbeş ji bo çareserkirina pirsgirêkên mayî yên di navbera hikûmeta federal û Herêma Kurdistanê de nîşan da.

PUKMEDIA