Rawengeha Sûriyê: Zêdetirî 2500 kes li deverên Şamê winda ne

Rawengeha Sûriyê

Girtî

Ji destpêka îsal ve li deverên di bin kontrola hikûmeta Şamê de zêdetirî 2,500 kes hatine revandin û 235 jinên din jî li Suweydayê hatine revandin û çarenivîsa wan diyar nînin, Rawengeha Sûriyê bo Mafên Mirovan ragihand ku: Ev binpêkirin ji ber sedemên siyasî û ewlehiyê berdewam dikin.

Rawengeh Mafên Mirovan a Sûriyê di daxuyaniyekê de got ku ji destpêka vê salê heta 30ê Tebaxê hejmara kesên winda gihîştiye 1,364 kesan. Herweha 865 kes bi neheqî hatine girtin û 283 kesên din jî hatine revandin, bi vî awayî hejmara giştî ya kesên hatine revandin û windabûyî gihîştiye 2,5 00 kesan.

Derbarê sedemên van binpêkirinan de, Çavdêrgeha Mafên Mirovan a Sûriyeyê got: Ev binpêkirin ji ber gelek faktoran têne vegotin, di nav de zextên siyasî û ewlehiyê, bi piranî li dijî kesên ku xuya dikin piştgirê hikûmeta berê ne.

Got jî: Ev kiryar wekî amûrek ji bo terorkirina sivîlan têne bikar anîn, bi piranî ji bo kontrolkirina herêmekê, an jî ji bo standina pereyan.

Derbarê rewşa mirovî û binpêkirinên li parêzgeha Suweyda li başûrê Sûriyê, Rawengeha Sûrî ragihand: Ji ber aloziyan meha Tîrmehê de bi tevahî 293 jin li parêzgehê hatine revandin, ji wan 42 hatine rizgarkirin. Her wiha du girtî li girtîgeha Adran a li Şamê hatine kuştin, û 14 kesên din jî hatine kuştin, 235 jin jî winda ne.

PUKMEDIA