Bafil Celal Talebanî wek serokê Hevpeymaniya Sosyal Demokrat li cîhana Erebî hat hilbijartin

PUKMEDIA

Bafil Celal Talebanî, Serokê Yekîtiya Niştimanî ya Kurdistanê

Îro 30 Tebax ya sala 2025 an li Silêmaniyê Konfiransa Hevpeymaniya Sosyal Demokrat li Cîhana Erebî bi dawî bû ku çar rojan berdewam kir û têde Serokê Yekîtîya Niştimanî ya Kurdistanê (YNK) Bafil Celal Talebanî wek Serokê Hevpeymanîya Sosyal Demokrat ya cîhana Erebî hat hilbijartin û di gotarekê de got: Bi rihê Serok Mam Celal emê berdewam bin

Derbaz Kosret Resûl: Em baweriya xwe bi bernameyên Serok Mam Celal tînin

Di roja dawî ya kongreyê de, Berpirsê Peywendiyên Yekîtiya Niştimanî ya Kurdistanê (YNK) Derbaz Kosret Resûl gotarek pêşkêş kir û ragihand ku, civîna partiyên sosyal demokrat li Silêmaniyê xebata Serok Mam Celal tîne bîra min, ku zêdetirî nîv sedsalek e di nav rêveberiya YNKê de nirxên sosyal demokrat fêrî me kir.

Her weha got: Niha dem hatiye ku hemû partîyên xwişk hevsoziya yektir dikin û ji bo prensîpên ku Serok Mam Celal bi hevre kar dikin, baweriya xwe bi prensîp û bernameyên Serok Mam Celal bînin û em ê her demê pabendî mîrata wî bin û ez spasiya Serok Bafil dikim ji bo berdewamiya vê rêbazê.

Serok Bafil: Em ê ji bo yekîtî, çaksazî û dadperweriyê kar bikin

Piştre axaftina dawî ji hêla Bafil Celal Talebanî, Serokê Yekîtiya Niştimanî ya Kurdistanê (YNK) ve hat e kirin û têde ragihand: Emê xebata xwe ji bo demokrasiyê li ser riya Serok Mam Celal bidomînin; û emê bi heman rihê Serok Mam Celal kar bikin; û her demê jî me wusa kiriye, bajarê Silêmaniyê her timî singa xwe ji bo xizmeta xebata Kurd vekiriye, di vî warî de, em ne tenê bi gotinan behsa azadiyê dikin, bi kirdarî jî ji bo wê yekê kar dikin  û piraniya partiyên opozîsyonê û çalakvanên sivîl li Silêmaniyê ne.

Her weha got: Serokatîkirina hevpeymaniyê erkekî mezin e, bi taybet niha ku Rojhilata Navîn di nav pevçûna welatên bihêz re derbas dibe, ji ber vê yekê, girîng e ku em bi hevre bêtir hemahengiyê bikin,di vî warî de, divê em di asta navneteweyî de yekgirtî bin daku em li gorî hêviyên ku ji me tê xwestin em tevbigerin.

Serok Bafil, Serokê Hevpeymaniya Sosyal Demokrat li Cîhana Erebî got: Em ji bo yekîtî, çaksazî û dadweriyê kar dikin û gel ji me hêvî dike ku em wusa tevbigerin, em dizanin ku li Rojhilata Navîn gelek pirsgirêk hene ku divê werin çareserkirin, lê em dikarin wan bi hevre çareser bikin, ji ber vê yekê, em bi eşkereyî dibêjin: Em piştgiriyê didin doza Xezeyê û em nikarin bûyerên 7ê Cotmehê jî ji bîr bikin, lê ev nayê wê wateyê ku divê em çavên xwe ji bûyerên Xezeyê re bigirin, her çend welatên Ewropî di çareserkirina pirsgirêka Xezeyê de hêdî bin jî pêngavên girîng avêtine.

Derbarê Sûriyê got: Em ji rewşa pêkhateyên Sûrî û rewşa gelê me yê Kurd li wir dilgiran in, divê em Sûriyê ji bîr nekin û em ji doza Kurdî dilgiran in û em hêvî dikin ku hikûmeta Sûriyê dê hemû alîyan bigire nav xwe.

Serokê Yekîtiya Niştimaniya Kurdistanê (YNK) Bafil Celal Talebanî ragihand :YNKê ne tenê partiyeke Kurdistanî ye di heman demê de ji bo çaksazî, yekîtî, dadperwerî û azadiyê li Herêma Kurdistanê, Îraqê û herêmê kar dike, ji ber vê yekê, girîng e ku di vê qonaxê de bernameyek e hevpar ji bo aştî û dadperweriyê hebe.

Çend wêstega ji jiyana Bafel Celal Talabanî:

*Di sala 1973an de ji dayik bûye û li Brîtanya xwendiye.

*1996 Perwerdehiya leşkerî digel Fransîyan kiriye.

*1998 Perwerdehiya leşkerî digel Brîtanîyan kiriye.

*2000 Perwerdehiya leşkerî digel Amerîkiyan kiriye.

*2022 Bi alîkariya Amerîka Djije Teror damezrand.

*Serpereştê Sekreteriya Serok Mam Celal bû.

*2018 Wekî Endamê Serkirdayetiya YNKê hat hilbijartin.

*2022 Wekî Serokê YNKê hat hilbijartin.

2023 Di kongreya pêncemîn de wekî Serokê YNKê hat hilbijartin.

*2025 Wekî Serokê Hevpeymaniya  Sosyal Demokrat li Cîhana Erebî hat hilbijartin.

Naveroka Kongreya Hevpeymaniya Sosyal Demokrat li Cîhana Erebî

Naveroka kongreya Hevpeymaniya Sosyal Demokrat li Cîhana Erebî ji (aştî, pirsgirêkên ewlehiyê, pirsgirêkên rojane yên cîhana Erebî) pêk tê, ku têde hejmarek e mezin ji kesayetî û serkirdeyên cîhana Erebî û Îraq û Kurdistana, têde beşdar bûn.

Kongreya Hevpeymaniya Sosyal Demokrat li Cîhana Erebî roja 27ê Tebaxa 2025an li Silêmaniyê bi beşdariya hejmareke mezin ji  kesayetî û serkirdeyên cîhanî dest pê kir û îro jî bi dawî bû.

PUKMEDIA