Komîsyonê dema dawî ji bo danana berbijêrên nû li cihê yên dûrxistî diyar kir

PUKMEDIA

Proseya Dengdanê

Komisyona Bilind ya Serbixwe ya Hilbijartinên Îraqê çendîn berbijêr ji bo hilbijartina dûr xistiye, Cîgira Berdevka komîsyonê jî ragihand ku hevpeymanî û hizib pêwîste heya (04-09-2025) an berbijêrên nû li cihê berbijêrên dûrxistî deynin.

Nîbras Ebû Sûde, Cîgira Berdevkê Komîsyona Bilind ya Serbixwe ya Hilbijartinên Îraqê ji rojnameya Sebah re ragihand ku, sedemên dûrxistina berbijêran cûr bi cûr in, beşek ji wan bi dîplomeyên amadeyî ve girêdayî ne, ku rêjeya wan %20 e, an jî girêdayî nûnerayetiya jinan e, ku divê herî kêm %25 be,wekî din, beşek ji berbijêrên ku hatine dûrxistin bawernameyên xwe sexte kirine.

Her weha aşkere kir hemû partiyên siyasî sê roj li pêşiya wan mane daku berbijêrên xwe yên hatine derxistin biguherînin,her weha berbijêr mafê wî/wê heye ku tane li wê biryarê bide, hevdem hûrbînî di navên berbijêran de ji aliyê Komîsyona Lêpirsîn, Dadwerî, Wezareta Navwxe, Parastinê, Xwendina Bilind, Perwerde û Deshelatdariya Dadweriyê ve hatiye encamdan.

Li gorî amarên dawî yên komîsyonê, heya niha 627 berbijêr hatine derxistin; û partî û hevpeymanî dikarin cihên wan tejî bikin.

PUKMEDIA