Rakan El Cibûrî bi fermî ji hilbijartinê hat dûrxistin

PUKMEDIA

Rakian El Cibûrî

Komîsyona Bilind ya Serbixwe ya Hilbijartinan îro roja Yekşemê, rêkefta (24ê Tebaxa 2025)an, dûrxistina Rakan El-Cibûrî ji berbijêriya hilbijartinên Civata Nûneran yên pêşerojê bi awayekî fermî ya ragihand.

Komîsyona Hilbijartinan di daxuyaniyekê de, ku kopiyek ji PUKMEDIA wergirtiye, got : Komîsyonê biryar da ku berbijêr Rakan El-Cibûrî ji berbijêriya bo Hilbijartinên Civata Nûneran yên ku biryar e roja 11ê Mijdara 2025an biçe dûr bixe.

Di daxuyaniyê hatiye: Biryara dûrxistinê ji ber binpêkirina Yasaya Hilbijartinên Civata Nûneran û Civata Parêzgeh û Navçeyan ya Hejmar 12 ya 2018an, wekî ku hatiye sererastkirin, hatiye dayîn.

Yasaya Hilbijartinên Civata Nûneran destnîşan dike ku berbijêr dê ne di bin Yasaya Komîsyona Berpirsiyarî û Dadmendiyê de be an jî çi yasayek din ya li şûna wê digire û divê ew bi tawanên giran yan sivik yên ku têde bi bê exlaqiyê ne hatibe mehkûmkirin, an jî bi biryareke dadgehê ya dawîn xwe bi ne yasayî li ser hesabê darayî ya giştî dewlemend ne kiribe, her çend ew hatibe efûkirin jî, Yasaya Hilbijartinên Civata Parêzgeh û navçeyan, di beşa mafê berbijêriyê de destnîşan dike ku divê berbijêr xwedî reftar, navûdengî û tevgerên baş be, û divê berbijêr berê ji ber tawanên gendeliya darayî û îdarî yan jî tawanên sivik yên ku şerefê bin pê dikin lêborîn ne girtibe.

PUKMEDIA berê ji çavkaniyek di Komîsyona Hilbijartinê de gotibû: Komîsyonê biryar da ku Rakan El-Cibûrî, Serokê Lîsta Hevpeymaniya Erebî li Kerkûkê, ji berbijariya Hilbijartinên Civata Nûneran yên ku di 11ê Mijdara 2025an de hatine pilankirin, dûr bixe.

PUKMEDIA