Îsraîl amara kuştî û birîndarên xwe di şerê Xeze de aşkere dike

RT

Wêneyek ji arşîva şerê Xezeyê

Artêşa Îsraîlê ragihand ku ji destpêka şerê Xezeyê û heya niha 899 efser û leşkerên wan hatine kuştin, ku 455 ji wan di operasyona bejayî de, û 6 hezar û 210 leşker û efserên din jî birîndar bûne, ku 925 ji wan di rewşeke merirsîdar de ne, her weha 78 leşkerên din jî di gulebarana dostan de hatine kuştin.

Artêşa Îsraîlê êvara roja Şemiyê rêkefta (23-08-2025) an di daxuyaniyekê de ragihand ku ji destpêka şerê Xezeyê 7ê Cotmeh  ya 2023an de û heya niha 899 efser û leşkerên wan hatine kuştin, ku 455 ji wan di operasyona bejayî ya li Xezeyê de bûn.

Di daxuyaniyê de hatiye ku ji destpêka şer ve 6 hezar û 210 efser û leşker birîndar bûne, ku 925 ji wan di rewşeke metirsîdar de ne, û du hezar û 880 birîndar di şer û pevçûnên bejahiyê de hatine tomarkirin ku 552 ji birînên wan metirsîdar in.

Artêşa Îsraîlê diyar kir ku 167 leşker niha tên dermankirin,ku  ji wan 165 di rewşeke navîn an jî metirsîdar de ne, her wiha destnîşan kir ku ji destpêka şer ve 78 leşker bi guleyên dostan yan jî di bûyerên operasyonel de hatine kuştin û 1998 jî birîndar bûne.

Ev yek di demekê de ye ku, duh roja Şemiyê Artêşê Îsraîlê kuştina Neqîb Uri Gerlitz yê 20 salî, ji bajarokê Meitar, ku fermandarê taqimek ketîbeya"Şemşon" ya ser bi Lîwaya Kifîr bû, di encama teqîna teqemeniyekê de li başûrê Kerta Xezeyê ragihandibû.

PUKMEDIA