Komîsyon: Egera dûrxistina Lahur Cengî ji serokatiya partiya wî heye

PUKMEDIA

Logoyê Komîsyonê

Komîsyona Bilind ya Serbixwe ya Hilbijartinê ya Îraqê ragihand ku eger dadgeh Lahur Cengî siza bike, ew ê ji posta serokatiya partiyê û serokatiya lîsta xwe were dûrxistin.

Çavkaniyek ji Komîsyona Bilind ya Serbixwe ya Hilbijartinên Îraqê derbarê egera sizakirina Lahur Cengî Burhan ji aliyê dadgehê ve û mameleya komisyonê li ser wê pirsê ragihand, her partîyek serokê xwe heye, û lîsta Eniya Gel jî wisa ye, eger dadgeh hikum ji bo Lahur derxîne, wê demê li gorî Yasaya Partiyên Siyasî yên Îraqê, ew ê ji serokatiya partiya xwe were dûrxistin, û eger ew ji bo hilbijartinên Civata Nûneran jî berbijêr be ew ê jî were dûrxistin.

Her weha got jî: Piştî ji kar dûrxistina serokê partiyê, komîsyon li gorî rêkaran dê daxwaza hilbijartina kesekî din ji bo serokatiya wê partiyê bike.

Derbarê berbijêrên din yên lîsta Lahur Cengî de, komîsyonê got: Lîsta Eniya Gel û berbijêrên din dikarin beşdarî Hilbijartinên Civata Nûneran bibin.

Di dawiyê de, komîsyonê ragihand ku divê kesek yan aliyek di komîsyonê de li dijî Lahur Cengî giliyekê tomar bike, daku Komîsyona Bilind ya Serbixwe ya Hilbijartinê rêkarên xwe encam bide.

Şeva borî hêzên ewlehiyê bi fermana dadwer çûn Otêla Lalezar ji bo desteserkirina tometbaran, lê tometbar û çekdarên ne yasayî red kirin ku xwe radest bibin, ji ber wê çendê şer û pevçûn di navbera her du aliayn de derket û pişî sê demjimêran Lahur Cengî û du birayên wî hatin desteserkirin û çekdarên wî jî xwe radestî hêzên ewlekariyê kirin.

PUKMEDIA