Avakirina komîteyekê ji bo çavdêriya binpêkirinên di bangeşeya hilbijartinê de

PUKMEDIA

Logoya Komîsyonê

Komîsyona Bilind ya Serbixwe yaHilbijartinan ya Îraqê komîteyek ji bo çavdêrîkirna daliqandina poster û wêneyên berbijêrên ku ji bo hilbijartinên Civata Nûneran xwe berbijêr kirine û beriya dema xwe dest bi helmeta bangeşeyê kirine.

Nîbras Ebo Sude Alîkarê Berdevkê Komîsyona Bilind ya Serbixwe ya Hilbijartinên Îraqê ragihand ku belavkirina poster û wêneyên berbijêran ji bo hilbijartina dema bê ya Civata Nûneran ya Îraqê beriya dema dawî ya fermî ya kampanyaya hilbijartinê wekî binpêkirina yasayî tê hejmartin.

Her weha got jî:Komîsyonê komîteyek taybet ji bo daliqandina poster û wêneyên berbijêran ava kiriye û dê raporta xwe pêşkêşî Civata Komîseran dike; û tekez jî kir ku her rewşek kampanyaya pêşwext wekî binpêkirina yasa û rênmeyan tê hejmartin; lewra pêwîste berbijêr li gorî pîvanên hilbijartinê tevbigerin.

Ev yek jî di demekê de ye ku, Komîsyona Bilind ya Serbixwe ya Hilbijartinên Îraqê berdewam e di amadekariyên xwe yên ji bo Hilbijartina Civata Nûneran ya Îraqê; û di wê çarçoveyê de jî wan berbijaran dûr dixe ku mercên pêwîst di wan de nîne; ku komisyonê ew merc ji bo wan destnîşan kiriye.


PUKMEDIA