Serrastkirina Yasaya Girtiyên Siyasî di rojeva parlemenê de ye

Ragihandina Civata Nûneran ya Îraqê

Rûniştinek ya Civata Nûneran ya Îraqê

Civata Nûneran ya Îraqê rojeva sê rûniştinên xwe ya dama bê eşkere kir, ku ji dengdan û xwendina yekem û duyem ya çend Proje û Pêşniyarên Yasayî pêk tên.

Li gorî rojeva civînên Civata Nûneran ya Îraqê, ku kopiyek ji wê ketiye destê PUKMEDIA,rûniştina roja Duşemê rêkefta 25ê Tebaxa 2025an, şeş xalan li xwe digire, ya herî girîng jî Dengdana li ser Serrastkirina Yasaya Wezareta Perwerdehiyê û Yasaya li ser Prensîbên Wekhevkirina Bawernameyan û Pileya Akademîk e.

Her li gorî rojevê,rûniştina roja Sêşemê rêkefta (26-08-2025) an dê şeş xalan di nav xwe de bigire, ya herî girîng jî Dengdana li ser Serrastkirina Duyemîn ya Yasaya Saziya Girtiyên Siyasî ya hejmara 4  ya sala 2006 an e.

Li gorî madeya (1) ya xala (Z) ya reşnivîsa Serrastkirina Duyem ya Yasaya Girtiyên Siyasî yên Îraqê, ku biryar e dengdan li ser bê kirin, hemû ew kesên ji êrîşa kîmyayî ya Helebce û kiryarên Enfalê rizgar bûne û ji ber gefên rejîma Îraqê neçar mane ku pena bibin Komara Îslamî ya Îranê,ew ê hemû maf û îmtiyazên ku ji girtiyên siyasî yên Îraqê re hatine dayîn, werbigirin.

Rûniştina roja Çarşem rêkefta (27-08-2025) an ya Civata Nûneran ya Îraqê,heft xalan li xwe dê bigire, ku di nav wan de Dengdana li ser Serrastkirina Sêyemîn ya Yasaya Qerebûkirina ew kesên ku ji ber rêjîma berê ziyan dîtine.

Hevdem îro Pêncem bi serokatiya Mehmûd Meşhedanî Civata Nûneran ya Îraqê civiya û di civînê de behsa mekanîzmên pesendkirina rojeve rûniştinên dema bê hat e kirin, ku ya herî girîng dengdan û pesendkirina ew Proje Yasayên ku bandorên wan li ser jiyana welatiyan û aramiya siyasî û aborî ya welat hene.

PUKMEDIA