Hinardekirina petrola herêmê pêşketinek girîng bi dest xistiye

Pilandanana Îraqê

Civîna şandeyên navendî û herêmê

Civîna şandeyên Hikûmeta Navendî û Herêma Kurdistan li bajarê Bexdayê bi rêve çû, Wezareta Pilandanana Îraqê jî dibêje: Ji bo çareserkirina pirsgirêkên hilawîstî gelek pêngav hatin avêtin.

Wezareta Pilandanana Îraqê di daxuyaniyekê de amaje bi encamên civîna şandeya Hikûmeta Îraqê û Herêma Kurdistanê kir û ragihand: Di civînê de pirsgirêkên hilawîstî yên di navbera Hikûmeta Navendî û Herêma Kurdistanê de hatin gotûbêjkirin, ku di nav wan de pirsgirêkên hilberîna petrolê, hinardekirin, dahatên ne petrolê û bi bankkirina mûçeyên fermanberên Herêma Kurdistanê hebûn.

Her weha dibêje: Beşdarvanan piştrast kirin ku çareserkirina pirsgirêkan pêşketin afirandiye û hemû mercên ji bo hilberandin û hinardekirina petrolê bi riya Kompaniya (SOMO) hatine cî bi cîkirin.

Her di civînê de, biryar hat e dayîn ku ji bo temamkirina hemû pirsan, hevdîtin berdewam bibin.

Ev yek di demekê de ye ku Şanda Bexdayê ji Wezîrên Akincîkirin, Xwendina Bilind, Tenduristî û Dad, Birêkarê Wezîrê Petrolê ji bo karûbarên derxistinê û rêvebirên giştî pêk dihat,hevdem şanda Hikûmeta Herêma Kurdistanê jî ji Wezîrê Çavkaniyên Xwezayî, Serokê Dîwanê, Sekreterê Civata Wezîran, Nûnerê Hikûmeta Herêma Kurdistanê li Bexdayê û hejmarek rêveberên giştî pêk dihat.

PUKMEDIA