Trump hewla sazkirina civînekê di navbera Putin û Zilinsky de dide

Ajans

Trump bi Serkirdeyên Ewropa re diaxive

Serokê Amerîka Donald Trump dibêje ku wî hewl daye ku di navbera Serokê Rûsya Vladimir Putin û Serokê Ukrayna Vladimir Zilinsky de civînekê saz bike; û soz da ku asayîşa Ukrayna jî biparêze.

Trump piştî pêşwaziya li Zilinsky û Serkirdeyên Yekîtiya Ewropa got: Piştî civînê min bi serokê Rûsya re peywendiyek e telefonî encam da û min dest bi rêkxistina lûtkeyek di navbera her du serokên Rûsya û Ukrayna de kiriye, her weha cihê civînê jî dê were diyarkirin.

Her weha dibêje: Piştî vê civînê, civîneke lûtkeyê dê di navbera min û her du serokan de dê bi rêve biçe.

Ji aliyekî din ve, çavkaniyek nêzîkî civînan aşkere kiriye ku Putin amadebûna xwe ya civîna bi Zilinsky re nîşan daye.

Di heman demê de, Şîretkarê Almanya Friedrich Mertz ragihand ku Serokê Rûsya amadebûna xwe nîşan daye ku di nava du hefteyan de bi Serokê Ukrayna re bicive.

Derbarê parastina asayîşa Ukranya jî, Trump di postekê de li ser (Platforma Social Trust ) ragihandiye ku, Ewropî dikarin ewlehiya Ukrayna di çarçoveya aştiyê de bi Rûsya re û bi hemahengî bi Amerîka re garantî bikin.

Ji aliyekî din ve Serokê Ukrayna Vladimir Zilinsky amaje bi wê yekê kir ku êrîşên Rûsya bûne sedema gelek kuştî û birîndaran; lewra pêwîstiya me bi rawestandina cengê û Rûsya heye, her weha pêwîstiya me bi piştgiriya hevbeş ya Amerîkî û Ewropiyan heye, û ez hemû hewlan didim ji bo cî bi cîkirina wê yekê.

PUKMEDIA