4.Civîna Komîsyona Hevgirtina Neteweyî, Biratî û Demokrasiyê tê sazkirin

Ajans

Wêneyek ji Civîna berê ya Komîsyona Hevgirtina Neteweyî, Biratî û Demokrasiyê

Komîsyona Hevgirtina Neteweyî, Biratî û Demokrasiyê îro Sêşem rêkefta (19-08-2025) an dê civîna xwe ya çaremîn li saz bike ku Komîsyon têde dê guh bide Dayikên Amedê (Dîyarbekirê).

Îro; civîna Komîsyona Hevgirtina Neteweyî, Biratî û Demokrasiyê, ku ji aliyê Serokê Parlemana wî welatî Numan Kurtulmuş ve tê birêvebirin, dê demjimêr îro 14:00an de dest pê bike.

Civîna Komîsyona Hevgirtina Neteweyî, Biratî û Demokrasiyê ku dê di du rûniştinan de were lidarxistin, dê di rûniştina yekem de ji hêla Wezîra Malbat û Xizmetên Civakî Mahinur Özdemir Göktaş ve were pêşkêş kirin.

Piştî wê yekê nûnerên ji Serbazên Kêmendamên Şer yên Turkiye, Komeleya Jinebiyên Şehîdan û Sêwîyan, Saziya Serbazên Turkiye û Malbatên Şehîdan, û Saziya Hevgirtina Xizmên Şehîdan û Serbazên Turkiye dê biaxivin.

Her weha di Rûniştina duyemîn de dê ji Dayikên Anedê dê bên guhdrkirin.

Ev yek di demekê de ye ku sibê jî Civîna Pêncemîn ya Komîsyona Hevgirtina Neteweyî, Biratî û Demokrasiyê dê bê sazkirin ku di rûniştina yekem de Dayikên Şemiyê û Dayikên Aştiyê dê biaxivin, her weha di rûniştina duyem de jî dê nûnerên Saziya Maf û Azadiyên Mirovan û Alîkariya Mirovî, Komeleya Mafên Mirovan, Mazlum-Der û Weqfa Saziya Mirovan ya Tahir Elçi dê di civînê de biaxivin.

Ev yek di demekê de ye ku Yekemîn civîna komîsyonê ya ji bo pişgtiriya Pêvajoya Aştiyê li Turkiye roja Sêşem ya borî rêkefta ( 05-08-2025) an demjimêr 11:00an li Hola Merasîmê ya Civata Mezin ya Neteweyî ya Turkiyê (TBMM), bi serokatiya Serokê Parlemana Turkiye (TBMM) Numan Kurtulmuş û beşdariya hejmarek ji nûnerên Partiya Wekhevî û Demokratîk ya Gelan (DEM Partî) û partiyên din yên Turkiye hatibû sazkirin.

PUKMEDIA