Zelenskyy sibe dê sardana Amerîka bike

Ajans

Wêneyek ji Arşîvê ,Serokê Amerîka û Serokê Ukranya

Serokê Ukrayna Volodymyr Zelenskyy ragihand ku ew ê sibê roja Duşemê rêkefta (18-08-2025) an serdana Waşintonê bike û digel Serokê Amerîka Donald Trump bicive.

Serokê Rûsya Vladimir Putin û Trump beriya niha li Wîlayeta Alaska ya Amerîka di bin mijara (Li dû aştiyê) de sê demjimêran civiyabûn,piştî civîna lûtkeyê, Trump got: Me bi Putin re pêşveçûnek mezin çêkir, lê em hîna ne gihîştine çi rêkeftinekê.

Serokê Amerîka ragihand ku ewê bi kesên guncaw yên ji welatên endamên NATOyê re derbarê civîna bi Zelenskyy re peywendiyan deynin.

Zelenskyy, di daxuyaniyekê de li ser (X), ragihand ku ew bi Trump re zêdetirî demjimêr û nîvekê bi telefonê axivî û got: Ezê sibe roja Duşemê li ser vexwendina serokê wî welatî serdana Waşintonê bikim daku hemî hûrguliyên derbarê bidawîanîna komkujî û şer gotûbêj bikim û got: Ez ji bo vexwendinê spasdar im.

Beriya niha Trump gotibû: Civînek di navbera Zelensky û Putin de dê hebe, û eger ew bixwazin, ezê jî têde beşdar bibim.

Trump û Zelenskyy herî dawî roja 28ê Sibatê li Ofîsa Oval li ber kamerayê gotûbêj kirin, lê civîna rojnamevaniya hevbeş ya hatibû ragihandin hat betalkirin, û Zelenskyy ji Qesra Spî bi tenê derket,û peymana erdên kêm jî ne hat îmzekirin.

PUKMEDIA