NY: Li peravê Sûriyê Tawanên Şer hatine encamdan

Ajans

Bûyerên li Peravê Sûriyê

Komîteya Lêkolînan ya Neteweyên Yekbûyî raporetek derbarê bûyerên ku li peravê Sûriyê di heyva Adar ya borî de rû dabûn belav kir ku têde hatiye gotin: Ji ber tundûtîjiyan nêzîkî 2000 kes hatine kuştin

Li gorî raporta Komîteya Lêkolînan ya Neteweyên Yekbûyî di bûyerên tundûtîjiyan yên ku di Adara îsal de li peravê Sûriyê li dijî welatiyên bi Mezhep Elewî hatibûn encamdan zêdetirî hezar û 700 kes hatibûn kuştin ku ji wê hejmarê 90 jin bûn ku navên wan hatine belgekirin.

Komîteya Lêkolînan ya Neteweyên Yekbûyî ku di raportê de ku xwe dispêre zêdetirî 200 hevpeyvînan û serdana gorên komî, diyar kiriye ku binpêkirin wekî (kuştin, îşkencekirin, talankirin, şewitandina malan) ku ji aliyê hêzên hikûmeta veguhêz û çekdarên alîgirên wê ve hatine kirin, digihêjin asta Tawanên Şer.

Komîteya Lêkolînan ya Neteweyên Yekbûyî di raporta xwe de bang li aliyên peywendîdar kir ku ku hemû tawanbaran siza bidin, û gumanbaran jî yekser ji kar dûr bixin û ji bo parastina pêkhateyan jî tedbîrên  pêwîst bi awayekî lezgîn bigirin be.

Komîteya Lêkolînan ya Neteweyên Yekbûyî tekez jî kir ku revandina jinan û destgîrkirin jî di nav de, binpêkirin heya niha berdewam in.

PUKMEDIA- AJANS